தமிழகத்திற்கான வெள்ள நிவாரண நடவடிக்கை தொடர்பாக, டெல்லியில் மத்திய நிதியமைச்சர் நிர்மலா சீதாராமன் செய்தியாளர்களைச் சந்தித்து விளக்கம் அளித்தார்.
மின்வாரிய ஊழியர் பலி – மின்பழுதை சரி செய்யும் பொழுது நடந்த விபரீதம்
அப்போது மத்திய நிதியமைச்சர் நிர்மலா சீதாராமன் கூறியதாவது, “தூத்துக்குடியில் ஓராண்டில் பெய்ய வேண்டிய மழை ஒரே நாளில் பெய்துள்ளது. நான்கு மாவட்டங்களுக்கு உதவ நான் வைத்த கோரிக்கையை ஏற்று உடனே மத்திய உள்துறை அமைச்சர் அமித்ஷா உதவிகளை செய்தார். தென்மாவட்ட மழை, வெள்ளத்தில் சிக்கிய மொத்தம் 42,290 பேர் மீட்கப்பட்டுள்ளனர்.
தென்மாவட்ட மழை, வெள்ளப் பாதிப்பால் இதுவரை 31 பேர் உயிரிழந்துள்ளனர். ஸ்ரீவைகுண்டம் ரயில் நிலையத்தில் சிக்கிய 800- க்கும் மேற்பட்ட பயணிகள் மீட்கப்பட்டனர். உள்துறை அமைச்சகத்தில் இருந்த இரு கட்டுப்பாட்டு அறைகளும் 24 மணி நேரமும் நிலைமையைக் கண்காணித்தன. இந்திய ராணுவத்தின் 9 ஹெலிகாப்டர்கள் மூலம் மீட்பு நடவடிக்கைகள் எடுக்கப்பட்டன. விமானப் படை, கடற்படை மூலமும் மீட்புப் பணிகள் துரிதமாக நடைபெற்றன.
ஆவடியில் இருந்து தென் மாவட்டங்களுக்கு நிவாரண பொருட்கள் அனுப்பி வைப்பு!
தேசிய பேரிடர் மீட்புப் படை, கடலோர காவல்படை உள்ளிட்டவை மூலம் 5,049 பேர் மீட்கப்பட்டனர். தென்மாவட்ட மழைக்கு முன்பாகவே டிச.12- ஆம் தேதி தமிழகத்துக்கான இரண்டாவது தவணை நிதி கொடுக்கப்பட்டது. மாநில பேரிடர் நிவாரண நிதிக்கு வழங்க வேண்டிய இரண்டாவது தவணைத் தொகை முன்கூட்டியே விடுவிக்கப்பட்டது.
இந்த ஆண்டிற்கான மாநிலத்திற்கு வழங்கப்பட வேண்டிய பேரிடர் நிதி 900 கோடி வழங்கப்பட்டுள்ளது. தென் மாவட்டங்களில் மழை குறித்து டிசம்பர் 12- ஆம் தேதியே இந்திய வானிலை ஆய்வு மையம் எச்சரிக்கை கொடுத்தது. டிசம்பர் 12- ஆம் தேதியில் இருந்து ஒவ்வொரு 3 மணி நேரத்திற்கும் எச்சரிக்கை வழங்கியது இந்திய வானிலை ஆய்வு மையம்.
சூரிய சக்தியால் இயங்கும் போக்குவரத்து தானியங்கி சமிக்ஞைகள்
மழை குறித்த முன்னெச்சரிக்கை கிடைக்கவில்லை எனக் கூறுவது தவறானது. தென்மாவட்ட மழை பாதிப்பு அறிந்தவுடன் உதவிகளைச் செய்ய பிரதமர் நரேந்திர மோடி, மத்திய உள்துறை அமைச்சர் அமித்ஷா அறிவுறுத்தினர்”. இவ்வாறு மத்திய அமைச்சர் தெரிவித்துள்ளார்.