தமிழ்நாடு சட்டப்பேரவையின் பட்ஜெட் கூட்டத்தொடர் இன்று (பிப்.12) காலை 10.00 மணிக்கு ஆளுநரின் உரையுடன் தொடங்கியது. உரையை வாசிக்கத் தொடங்கிய இரண்டு நிமிடங்களிலேயே நிறைவுச் செய்தார். எனினும், பேரவையில் தனது இருக்கையிலேயே ஆளுநர் அமர்ந்திருந்தார்.
உரையைப் புறக்கணித்தார் தமிழ்நாடு ஆளுநர் ஆர்.என்.ரவி!
இதை தொடர்ந்து ஆளுநரின் உரையை சபாநாயகர் அப்பாவு வாசித்தார். அப்போது சபாநாயகர் கூறியதாவது, “சென்னை வெற்றிகரமாக நடத்தப்பட்ட உலக முதலீட்டாளர் மாநாடே அரசின் வளர்ச்சிக்கு உதாரணம். மருத்துவச் சுற்றுலாவில் தமிழகம் முதலிடத்தில் உள்ளது. விளையாட்டை மேம்படுத்த அரசு பல்வேறு நடவடிக்கைகளை மேற்கொண்டு வருகிறது. மேகதாது அணை கட்டுவதைத் தடுக்க நடவடிக்கை எடுப்போம்.
பணவீக்கத்தைக் கட்டுப்படுத்துவதில் தமிழ்நாடு திறம்பட செயல்பட்டு வருகிறது. குற்றச்செயல்களைத் தடுப்பதில் அரசு சமரசமற்ற அடக்குமுறையைக் கடைப்பிடித்து வருகிறது. ‘இன்னுயிர் காப்போம் திட்டம்’ மூலம் 2 லட்சத்திற்கும் மேற்பட்டோர் பலன் அடைந்துள்ளனர். சிறு, குறு தொழில் நிறுவனங்களுக்கு ரூபாய் 4,671 கோடி கடன் வழங்கப்பட்டுள்ளது.
“பேரவையில் அரசு உரையைப் புறக்கணித்தது ஏன்?”- ஆளுநர் ஆர்.என்.ரவி விளக்கம்!
சவார்க்கர் வழியில், கோட்சே வழியில் வந்தவர்களுக்கு நாங்கள் சற்றும் சளைத்தவர்கள் அல்ல” என்று கூறினார். சபாநாயகர் உரை நிறைவடைந்ததைத் தொடர்ந்து, தேசிய கீதம் இசைக்கப்பட்டது. எனினும், சட்டப்பேரவையில் இருந்து ஆளுநர் ஆர்.என்.ரவி வெளியேறினார்.
அதைத் தொடர்ந்து, ஆளுநர் வாசிக்காத நிலையில் உரையை சட்டப்பேரவையில் பதிவுச் செய்ய அவை முனைவர் துரைமுருகன் தீர்மானம் கொண்டு வந்தார்.