குரங்கு பெடல் படத்தின் டிரைலர் வெளியீடு

சிவகார்த்திகேயன் தயாரிப்பில் உருவாகி இருக்கும் குரங்கு பெடல் படத்தின் முன்னோட்டம் வெளியாகி உள்ளது.

நடிகர், தயாரிப்பாளர் என பன்முகங்களை கொண்டவர் சிவகார்த்திகேயன். அயலான் திரைப்பட வெற்றிக்கு பிறகு நடிகர் சிவகார்த்திகேயன் அடுத்தடுத்து படங்களில் கமிட்டாகி வருகிறார். தற்போது ராஜ்குமார் பெரியசாமி இயக்கத்தில் அமரன் படத்தில் நடித்து முடித்துள்ளார். அடுத்து ஏ.ஆர்.முருகதாஸ் இயக்கத்தில் பெயரிடப்படாத படத்தில் நடித்து வருகிறார். இப்படத்திற்கு அனிருத் இசை அமைக்கிறார். இந்நிலையில், நடிப்பு மட்டுமன்றி தயாரிப்பிலும் சிவகார்த்திகேயன் ஆர்வம் காட்டி வருகிறார்.

சிவகார்த்திகேயன் இயக்கத்தில் இறுதியாக உருவான திரைப்படம் கொட்டுக்காளி. இப்படத்தில் சூரி நாயகனாக நடித்திருப்பார். இப்படம் வெளியீட்டுக்கு முன்பாகவே பல சர்வதேச விருதுகளில் பங்கேற்று விருது வென்றுள்ளது. இந்நிலையில், மதுபானக்கடை, வட்டம் படங்களை இயக்கிய கமலக்கண்ணன் அடுத்து இயக்கியிருக்கும் திரைப்படம் குரங்கு பெயல். இப்படத்தை சிவகார்த்திகேயன் தயாரித்து உள்ளார். ராசி அழகப்பன் எழுத்தில் வெளியான சைக்கிள் என்ற சிறுகதையை மையமாக வைத்து இத்திரைப்படம் உருவாகி உள்ளது.

படத்தில் காளி வெங்கட், சந்தோஷ் வேலு முருகன், எம்.ஞானசேகர் உள்பட பலர் முக்கிய கதாபாத்திரங்களில் நடித்துள்ளனர். படத்திற்கு ஜிப்ரான் இசை அமைத்துள்ளார். இந்நிலையில், இத்திரைப்படத்தின் முன்னோட்டம் திரையரங்குகளில் வெளியாகி வரவேற்பை பெற்று வருகிறது. இத்திரைப்படம் வரும் மே மாதம் 3-ம் தேதி திரையரங்குகளில் வெளியாக உள்ளது.