உலகத் தரத்தில் கிராஃபிக்ஸ்… கல்கி படத்தை பாராட்டிய விஜய் பட தயாரிப்பாளர்…

 இந்தியா முழுவதும் எதிர்பார்க்கப்பட்ட பிரம்மாண்ட படைப்பான கல்கி 2898 AD திரைப்படம் நேற்று வெளியானது. படத்திற்கு ரசிகர்கள் மத்தியில் நல்ல வரவேற்பு கிடைத்து வருகிறது. முதல் நாளில் மட்டும் 100 கோடி ரூபாய்க்கு மேல் வசூல் ஈட்டி இருக்கிறது கல்கி திரைப்படம். நாக் அஸ்வின் இயக்கத்தில் உருவாகி இருக்கும் இப்படத்தில் பான் இந்தியா ஸ்டார் பிரபாஸ் நாயகனாக நடித்திருக்கிறார்.

அவருடன் கமல்ஹாசன், அமிதாப் பச்சன், தீபிகா படுகோன், திஷா பதானி, பசுபதி ஆகியோர் முக்கிய கதாபாத்திரங்களில் நடித்துள்ளனர். மேலும் துல்கர் சல்மான், மிர்ணாள் தாகூர் ஆகியோர் கேமியோ ரோலில் நடித்து அசத்தி இருக்கின்றனர். படத்திற்கு சந்தோஷ் நாராயணன் இசை அமைத்துள்ளார். உலகம் முழுவதும் கல்கி திரைப்படம் சக்கைப்போடு போட்டு வருகிறது.

இந்நிலையில், விஜய் நடிக்கும் கோட் பட தயாரிப்பாளர் அர்ச்சனா கல்பாத்தி, கல்கி படத்தை வெகுவாக பாராட்டி இருக்கிறார். உலகத் தரத்தில் கிராபிக்ஸ் உள்ளதாகவும், படத்தின் காட்சிகள் பிரம்மாண்டமாக ரசிக்க வைக்கும்படி இருப்பதாகவும் அவர் தெரிவித்துள்ளார். படத்தின் வெற்றிக்கு படக்குழுவுக்கும் அவர் வாழ்த்து தெரிவித்துள்ளார்.