“சட்டமன்றத்தை சினிமா படமாக்கிய தவெக!” – விஜய், அமைச்சர்களை விளாசிய திமுக பரந்தாமன்

அறிவாலயத்தில் நடைபெற்ற செய்தியாளர் சந்திப்பில் பேசிய திமுக சட்டத்துறை இணை செயலாளர் பரந்தாமன் அவர்கள், தவெக தலைவர் விஜய் மற்றும் அமைச்சர்களை மிகக் கடுமையான வார்த்தைகளால் சாடியுள்ளார். தமிழ்நாட்டின் சட்டமன்றத்தை தவெகவினர் ஒரு திரைப்படக் களமாக மாற்றிவிட்டதாகவும் அவர் குற்றம் சாட்டியுள்ளார்.

மக்களின் வரிப்பணத்தில் இயங்கும் சட்டமன்றத்தை மக்கள் நலத் திட்டங்கள் மற்றும் அரசு நிர்வாகம் குறித்து விவாதிக்கப் பயன்படுத்தாமல், திமுக மீது குறை சொல்ல மட்டுமே தவெகவினர் பயன்படுத்துவதாக பரந்தாமன் குற்றம் சாட்டினார். மேலும் அவர் கூறியதாவது:

அமைச்சர் நிர்மல்குமாரின் கருத்துக்களுக்குப் பதிலடி கொடுத்த பரந்தாமன், “இந்தியாவின் பாதுகாப்பு மற்றும் உள்நாட்டு கலவரங்கள், அத்தியாவசியப் பொருட்கள் பதுக்கல் போன்றவற்றுக்கே மிசாவில் கைது செய்யப்படுவார்கள். மாறாக, கொள்ளை, கொலை, பெண்கள் மீதான குற்றங்களில் ஈடுபடுபவர்கள் மிசாவில் கைது செய்யப்பட மாட்டார்கள் என்று அமைச்சர் நிர்மல்குமார் கூறுகிறார். இவர் சட்டம் படித்தாரா அல்லது திருட்டுச் சான்றிதழ் வாங்கிட்டு வந்தாரா? சைக்கோ மனநிலையில் இவர் செயல்படுகிறார்” என்று மிகக் கடுமையாகச் சாடினார்.

திமுகவை யார் வேண்டுமானாலும் மேடை போட்டு திட்டட்டும், அதற்குத் தகுந்த பதிலடி கொடுக்கப்படும் என்று எச்சரித்த அவர், தவெகவின் அரசியல் செயல்பாடுகள் முற்றிலும் கேவலமான முறையில் இருப்பதாகக் கூறி செய்தியாளர் சந்திப்பை நிறைவு செய்தார்.