கோட் படப்பிடிப்பு தளத்தில் ரசிகர்களை சந்தித்த விஜய்

தி கிரேட்டஸ்ட் ஆப் ஆல் டைம் படத்தின் படப்பிடிப்பு தளத்தில் குவிந்த ரசிகர்களை, நடிகர் விஜய் சந்தித்து கையசைத்தார்.

ஒட்டுமொத்த இந்திய திரைஉலகில் தனக்கென தனி ரசிகர் பட்டாளத்தை கொண்டிருப்பவர் நடிகர் விஜய். குட்டி சுட்டிகள் முதல் பெரியவர்கள் வரை விஜய்க்கு பலதரப்பட்ட ரசிகர்கள் உள்ளனர். கோலிவுட் மட்டுமன்றி டோலிவுட், சாண்டல்வுட், மோலிவுட் என விஜய்க்கு அனைத்து திரையுலகிலும் ரசிகர்கள் ஏராளம். விஜய் நடிப்பில் வௌியான லியோ படம் பெரும் வரவேற்பை பெற்றது. லோகேஷ் கனகராஜ் இயக்கத்தில் கடந்த ஆண்டு அக்டோபர் மாதம் வெளியான லியோ, சுமார் 600 கோடிக்கு மேல் வசூலித்து பெரிய ஹிட் அடித்தது.

இதைத் தொடர்ந்து தற்போது வெங்கட் பிரபு இயக்கத்தில் நடிகர் விஜய் தனது 68-வது படத்தில் நடித்து வருகிறார். தி கிரேட்டஸ்ட் ஆப் ஆல் டைம் அதாவது கோட் என படத்திற்கு தலைப்பு வைத்துள்ளனர். இப்படத்தில் மீனாட்சி சௌத்ரி, சினேகா, லைலா, மைக் மோகன், பிரசாந்த் மற்றும் பிரபுதேவா உள்பட பலர் முக்கிய கதாபாத்திரங்களில் நடிக்கின்றனர். படத்திற்கு யுவன் சங்கர் ராஜா இசை அமைக்கிறார். பிரேம்ஜி உள்பட வெங்கட் பிரபுவின் ஆஸ்தான நாயர்களும் இதில் முக்கிய கதாபாத்திரங்களில் நடிக்க உள்ளனர். இப்படத்தின் படப்பிடிப்பு வெளிநாடுகள் மற்றும் சென்னையில் மாறி மாறி விறுவிறுப்பாக நடைபெற்று வருகிறது.

இந்நிலையில், கோட் படப்பிடிப்பின்போது, படப்பிடிப்புத் தளத்தில் ஏராளமான ரசிகர்கள் குவிந்தனர். இதை அறிந்த நடிகர் விஜய் அனைத்து ரசிகர்களையும் சந்தித்து கையசைத்துச் சென்றார். இந்த காணொலி இணையத்தில் வைரலாகி வருகிறது.