மிரட்டும் சைத்தான் ட்ரைலர்… சமூக வலைதளங்களில் வைரல்…

பாலிவுட்டில் அஜய் தேவ்கன், மாதவன் மற்றும் ஜோதிகா நடித்திருக்கும் சைத்தான் படத்தின் ட்ரைலர் வெளியாகி மிரட்டி வருகிறது.

தமிழில் அஜித் நடிப்பில் வெளியான வாலி படத்தில் அறிமுகம் ஆனவர்   நடிகை ஜோதிகா. முதல் படமே அவருக்கு திருப்பு முனையாக அமைந்தது. இதையடுத்து விஜய்யுடன் குஷி படத்தில் இணைந்து நடித்தார். குஷி படம் மாபெரும் ஹிட் படமாக மாறியதால் முன்னணி நடிகையாக உருவெடுத்தார் ஜோதிகா. அடுத்தடுத்து ஜோதிகாவுக்கு ஏறுமுகம் தான். இதைத் தொடர்ந்து சூர்யாவுடன் மட்டும் கிட்டத்தட்ட 5 திரைப்படங்களில் ஜோதிகா நடித்துள்ளார்.

பின்னர் இருவரும் காதலித்து திருமணம் செய்து கொண்டனர். திருமணத்திற்கு பிறகு நீண்ட நாட்கள் இடைவெளி எடுத்துக் கொண்ட ஜோதிகா, 36 வயதினிலே படத்தின் மூலம் ரீ என்ட்ரி கொடுத்தார். தொடர்ந்து மகளிர் மட்டும், நாச்சியார், ராட்சசி, ஜாக்பாட், பொன்மகள் என பல வெற்றிப் படங்களில் நடித்தார். இறுதியாகக மம்மூட்டியுடன் இணைந்து காதல் தி கோர் என்ற மலையாள படத்திலும் நடித்தார்.

தற்போது ஜோதிகா மீண்டும் பாலிவுட்டிலும் ரி என்ட்ரி கொடுத்திருக்கிறார். கிட்டத்தட்ட பல ஆண்டுகள் கழித்து தற்போது பாலிவுட்டில் நடித்து வருகிறார். ஒரு சூப்பர்நேச்சுரல் த்ரில்லர் கதைக்களத்தில் இப்படம் உருவாகி இருக்கிறது. விகாஸ் பாஹ்ல் இத்திரைப்படத்தை இயக்கி உள்ளார். இத்திரைப்படத்தில் ஜோதிகாவுடன் இணைந்து அஜய் தேவ்ன் மற்றும் மாதவன் ஆகியோரும் முதன்மை கதாபாத்திரங்களில் நடித்துள்ளனர். சைத்தான் என்று தலைப்பு வைத்துள்ள இப்படத்தின் ட்ரைலர் வெளியாகி இருக்கிறது.