தென்னிந்திய திரை உலகின் முன்னணி இயக்குனர்களில் ஒருவரான அமீர் தற்போது படங்களில் நடிப்பதற்கும் ஆர்வம் காட்டி வருகிறார்.
அந்த வகையில் இவர் கடந்த 2009 ஆம் ஆண்டு வெளியான யோகி திரைப்படத்தில் கதாநாயகனாக நடித்திருந்தார்.
மேலும் கடைசியாக தனுஷ் நடிப்பில் வெளியான வடசென்னை, மாறன் உள்ளிட்ட படங்களில் தனது சிறப்பான நடிப்பை வெளிப்படுத்தி இருந்தார்.
இதைத்தொடர்ந்து யோகி படத்திற்கு பிறகு மீண்டும் கதாநாயகனாக உயிர் தமிழுக்கு என்ற படத்தில் நடித்துள்ளார். இந்த படம் விரைவில் திரைக்கு வர இருக்கிறது.
இந்நிலையில் தற்போது மூன்றாவது முறையாக ‘மாயவலை‘ எனும் படத்தில் கதாநாயகனாக நடித்து வருகிறார். ரமேஷ் பாலகிருஷ்ணன் இந்த படத்தை இயக்குகிறார்.
மேலும் ராம்ஜி ஒளிப்பதிவு செய்ய யுவன் சங்கர் ராஜா இசை அமைக்கிறார்.
இப்படத்தில் அமீருடன் இணைந்து ஆர்யாவின் தம்பி சத்யா, சஞ்சிதா ஷெட்டி உள்ளிட்டோர் முக்கிய கதாபாத்திரத்தில் நடிக்கின்றனர்.
அமீரும் யுவன் சங்கர் ராஜாவும் இணைந்து தயாரிக்கும் இந்த படத்தின் ஃபர்ஸ்ட் லுக் போஸ்டர் தற்போது வெளியாகி ரசிகர்களிடையே நல்ல வரவேற்பு பெற்று வருகிறது.