சிவகார்த்திகேயன் தற்போது தனது 21வது படமான அமரன் திரைப்படத்தில் நடித்து முடித்துள்ளார். இந்த படத்தை ராஜ்குமார் பெரியசாமி இயக்க படமானது செப்டம்பர் 27 ஆம் நாளில் திரையிடப்பட திட்டமிடப்பட்டுள்ளது. 
அதே சமயம் சிவகார்த்திகேயன், ஏ ஆர் முருகதாஸ் இயக்கத்தில் தனது 23வது படத்தில் நடித்து வருகிறார். ஏ ஆர் முருகதாஸின் மற்ற படங்களை போல் இந்த படமும் ஆக்சன் காட்சிகள் நிறைந்த படமாக தயாராகி வருகிறது. அதன்படி ஏற்கனவே இந்த படத்தின் படப்பிடிப்பு பூஜையுடன் தொடங்கப்பட்டு பரபரப்பாக நடைபெற்று வருகிறது. இந்த படத்தை ஸ்ரீ லட்சுமி நிறுவனம் தயாரிக்க அனிருத் இதற்கு இசையமைக்கிறார். படத்தில் சிவகார்த்திகேயனுடன் இணைந்து ருக்மினி வசந்த், வித்யூத் ஜம்வால், விக்ராந்த் போன்றோர் நடிப்பதாக ஏற்கனவே படக்குழு சார்பில் அறிவிப்பு வெளியானது. 
இந்நிலையில் இந்த படத்தின் புது வரவாக பா ரஞ்சித் இயக்கத்தில் வெளியான சார்பட்டா பரம்பரை படத்தின் மூலம் டான்சிங் ரோஸாக ரசிகர்கள் மத்தியில் பிரபலமான சபீர், SK23 படத்தில் இணைந்துள்ளதாக படக்குழுவினர் போஸ்டர் ஒன்றை வெளியிட்டு அதிகாரப்பூர்வமாக அறிவித்துள்ளனர். இவ்வாறு பல நடிகர்கள் படத்தில் இணைவதால் படத்தின் மீதான எதிர்பார்ப்பு மேன்மேலும் அதிகமாகி வருகிறது.