கள்வன் படத்தைக் கைப்பற்றிய பிரபல ஓடிடி நிறுவனம்!

கள்வன் திரைப்படத்தை கைப்பற்றிய பிரபல ஓடிடி நிறுவனம் குறித்து தகவல் வெளியாகி உள்ளது.

கோலிவுட்டின் தவிர்க்க முடியாத இசை அமைப்பாளர் ஜிவி பிரகாஷ். வெயில் திரைப்படத்தின் மூலம் இசை அமைப்பாளராக அறிமுகமான ஜிவி பிரகாஷ் இன்று நூற்றுக்கும் மேற்பட்ட திரைப்படங்களுக்கு இசை அமைத்து வருகிறார். சுதா கொங்கரா இயக்கத்தில் சூர்யா நடிக்கும் புறநானூறு படம் ஜிவி இசை அமைக்கும் நூறாவது திரைப்படம் ஆகும். இசை மட்டுமன்றி நடிப்பிலும் ஜிவி பிரகாஷ் ஆர்வம் செலுத்தி வருகிறார். டார்லிங் என்ற படத்தின் மூலம் அறிமுகமாகி, தொடர்ந்து பல படங்களில் கமிட்டாகி நடித்து வருகிறார்.

தற்போது இவர் அறிமுக இயக்குனர் பி.வி.ஷங்கர் இயக்கத்தில் கள்வன் என்ற படத்தில் நடித்துள்ளார். இவானா மற்றும் பாரதிராஜா முக்கிய கதாபாத்திரங்களில் நடித்துள்ளனர். ஆக்சஸ் பிலிம் பேக்டரி தயாரிக்கும் இப்படத்தின் போஸ்டர் மற்றும் முன்னோட்டம் பல மாதங்களுக்கு முன்பாகவே வெளியானது. இத்திரைப்படத்தின் வெளியீட்டு தேதி இதுவரை உறுதிப்படுத்தப்படவில்லை.

Digital & satellite rights of #Kalvan 🐘with Hotstar & Vijay TV@gvprakash @AxessFilm @decofflpic.twitter.com/t2PPaaGihg

— V2Cinemas (@V2Cinemas) January 13, 2024

இந்நிலையில், கள்வன் திரைப்படத்தின் ஓடிடி உரிமையை டிஸ்னி ஹாட்ஸ்டார் நிறுவனம் கைப்பற்றி இருப்பதாக அறிவிக்கப்பட்டு உள்ளது. யானை வேட்டையை பின்புலமாக கொண்டு இப்படத்தின் கதை நகர்கிறது. தற்போது ஜிவி நடிப்பில் ரிபெல் திரைப்படம் வெளியீட்டுக்கு தயாராகி உள்ளது.