மிஷன் படத்தில் அருண் விஜய் குதிக்கும் காட்சி ரியல் – இயக்குநர் பேட்டி

கோலிவுட் திரை உலகில் முன்னணி நடிகராக அருண் விஜய் வலம் வருகிறார். இவர் பிரபல நடிகர் விஜயகுமாரின் மகன் ஆவார். 90களில் தொடங்கி அருண் விஜய் கிட்டத்தட்ட பல திரைப்படங்களில் ஹீரோவாக நடித்துள்ளார். அஜித் நடிப்பில் வெளியான என்னை அறிந்தால் திரைப்படத்தில் அருண் விஜய் முதன்முதலாக வில்லன் வேடத்தில் நடித்திருப்பார். இப்படத்தில் நடிகர் அருண் விஜயின் நடிப்பு பெரிதளவில் பாராட்டப்பட்டது

இதை எடுத்து அவர் நடித்த தடம் திரைப்படம் விமர்சனம் ரீதியாக மாபெரும் வெற்றி பெற்றத. இப்படத்தின் வெற்றி அருண் விஜய்க்கு அடுத்தடுத்து பட வாய்ப்புகளை அளித்தது. தொடர்ந்து சினம் யானை ஆகிய திரைப்படங்களில் நடித்திருந்தார். யானை படத்தை அவரது மைத்துனர் ஹரி இயக்கியிருந்தார். இதனிடையே பாலா இயக்கத்தில் வணங்கான் என்ற திரைப்படத்தில் அருண் விஜய் நடித்து வருகிறார்

தற்போது அருண் விஜய் நடிப்பில் திரையரங்குகளில் ஓடிக்கொண்டிருக்கும் திரைப்படம் மிஷன் சாப்டர் ஒன். விஜய் இப்படத்தை இயக்கியிருந்தார். படத்தில் பிரபல மலையாள நடிகை நிமிஷா சஜயன், எமி ஜாக்சன் ஆகியோர் நடித்திருந்தனர். பொங்கல் பண்டிகை ஒட்டி திரைப்படம் திரையரங்குகளில் வெளியானது. இந்நிலையில் படம் குறித்து பேசிய இயக்குனர் விஜய், படத்தில் நடிகர் அருண் விஜய் மொட்டை மாடியில் இருந்து குதிக்கும் காட்சி இடம் பெற்றிருக்கும். அந்த காட்சி சிஜி கிடையாது ரியலாகவே அருண் விஜய் தான் அந்த காட்சியை செய்தார் என தெரிவித்துள்ளார். டூப் இல்லாமல் மேஜிக் போல அந்த காட்சியை நடிகர் விஜய் செய்து முடித்து விட்டார், இவ்வாறு இயக்குனர் விஜய் அருண் விஜய்யை பாராட்டினார்