கொரியாவில் ஹிட் அடித்த ஹார்ட் பீட்… தமிழில் ரீமேக் செய்து வெளியீடு…

தமிழில் வெளியாக உள்ள ஹார்ட் பீட் வெப் தொடர், கொரியாவில் ஹிட் அடித்த தொடரின் ரீமேக் என்று படக்குழு தெரிவித்துள்ளது.

ஓடிடி நிறுவனங்களின் ஆதிக்கத்தை தொடர்ந்து தற்போது தமிழிலும் அடுத்தடுத்து வெப் தொடர்கள் வௌியாகின்றன. அறிமுக இயக்குநர்கள் மட்டுமன்றி முன்னணி இயக்குநர்களும் வெப் தொடர்களை இயக்க ஆர்வம் காட்டி வருகின்றனர். அந்த வகையில் டிஸ்னி பிளஸ் ஹாட்ஸ்டார் நிறுவனம் தயாரித்துள்ள புதிய தொடர் ஹார்ட் பீட். பிரபல ஸ்டன்ட் மாஸ்டர் சூப்பர் சுப்புராயன் திரைக்கதை எழுதி உள்ளார். மேட்லி பூஸ் இந்த தொடருக்கு இசை அமைத்திருக்கிறார்.

நட்பு, ரொமான்ஸ், காமெடி என அனைத்தும் கலந்த கமர்ஷியல் கதையாக இளைஞர்கள் கொண்டாடும் விதமாக இந்த தொடர் உருவாகியுள்ளதாக கூறப்படுகிறது. நடிகை அனுமோல், தீபா பாலு, யோக லட்சுமி, தாபா, சாருகேஷ், ராம், சபரேஷ் ஆகியோர் இதில் முக்கிய கதாபாத்திரங்களில் நடித்துள்ளனர். இந்தத் சீரிஸை A Tele Factory நிறுவனம் தயாரித்து உள்ளது. தீபக் சுந்தர்ராஜன் இயக்கி உள்ளார். இந்த தொடரிலிருந்து ஏற்கனவே ஒரு தீம் பாடல் வெளியாகி ரசிகர்கள் மத்தியில் வரவேற்பை பெற்றது.

இந்த தொடர் வரும் மார்ச் 8-ம் தேதி டிஸ்னி பிளஸ் ஹாட்ஸ்டாரில் வெளியாக உள்ளது. இந்நிலையில், இந்த தொடர் கொரியன் மொழியில் ஹார்ட் பீட் என அதே பெயரில் வெளியாகி ஹிட் அடித்துள்ளது. இதைத் தொடர்ந்து தான் இது தமிழில் ரீமேக் செய்யப்பட்டு உள்ளது.