துல்கர் சல்மானின் ‘கிங் ஆப் கோதா’ டீசர் குறித்த அப்டேட்!

துல்கர் சல்மான் நடிக்கும் கிங் ஆப் கோதா படத்தின் டீசர் வெளியாகும் தேதி அறிவிக்கப்பட்டுள்ளது.

துல்கர் சல்மான் தற்போது பான் இந்தியா நடிகராக உருவெடுத்துள்ளார்.
இவர் நடிக்கும் பெரும்பாலான திரைப்படங்கள் மாபெரும் வெற்றி பெற்று வருகிறது.
கடைசியாக இவர் நடிப்பில் வெளியான சீதாராமம் திரைப்படம் பிளாக்பஸ்டர் ஹிட் ஆனது.
இதைத்தொடர்ந்து துல்கர் சல்மான் தமிழ், தெலுங்கு, ஹிந்தி உள்ளிட்ட பல மொழிப்படங்களில் நடிப்பதற்கு கமிட்டாகி வருகிறார். தனுஷின் வாத்தி படத்தை இயக்கிய வெங்கி அட்லூரியின் இயக்கத்தில் புதிய படத்தில் நடிக்க இருப்பதாக ஏற்கனவே தகவல்கள் வெளியானது. அதேசமயம் ராணா டகுபதியின் தயாரிப்பில் மற்றொரு புதிய படத்தில் நடிக்க இருப்பதாகவும் கூறப்படுகிறது.

இதற்கிடையில் துல்கர் சல்மான் ‘கிங் ஆப் கோதா’ திரைப்படத்தில் நடித்து வருகிறார். இதனை இயக்குனர் அபிலாஷ் ஜோசி இயக்குகிறார். இப்படத்தில் துல்கர் சல்மானுடன் இணைந்து ஐஸ்வர்யா லட்சுமி, ரித்திகா சிங், சபீர் கல்லாரக்கல், பிரசன்னா, அனிகா சுரேந்திரன் மற்றும் பலர் நடிக்கின்றனர்.
வேஃபரர் ஸ்டுடியோஸ் நிறுவனம் மற்றும் ஜி ஸ்டுடியோஸ் நிறுவனம் இணைந்து இப்படத்தை தயாரிக்கிறது. ஜேக்ஸ் பிஜாய் மற்றும் ஷான் ரகுமான் இணைந்து இந்த படத்திற்கு இசையமைக்கின்றனர்.

ஒரு கேங்ஸ்டர் படமாக உருவாகிக் கொண்டிருக்கும் இந்த படம் வருகின்ற ஓணம் பண்டிகைக்கு வெளியாகும் என்று கூறப்படுகிறது. மேலும் இந்த படத்தின் படப்பிடிப்பு நிறைவு பெற்றது.

இந்நிலையில் இப்படத்தின் டீசர் வருகின்ற ஜூன் 28ஆம் தேதி மாலை 6 மணி அளவில் வெளியாகும் என்று படக்குழுவினர் வீடியோ ஒன்றை வெளியிட்டு அதிகாரப்பூர்வமாக அறிவித்துள்ளனர்.