பவர்ஃபுல்லான லுக்கில் துல்கர் சல்மான்…. ‘ஐ அம் கேம்’ பட ஃபர்ஸ்ட் லுக் வெளியீடு!

ஐ அம் கேம் படத்தின் ஃபர்ஸ்ட் லுக் வெளியாகி உள்ளது.தென்னிந்திய திரையுலகில் ஏராளமான ரசிகர்களை சேகரித்து வைத்திருக்கும் துல்கர் சல்மான் ‘சீதாராமம்’ படத்திற்கு பிறகு தொடர்ந்து அடுத்தடுத்த பான் இந்திய படங்களில் கவனம் செலுத்தி வருகிறார். இவரது நடிப்பில் கடைசியாக ‘காந்தா’ திரைப்படம் வெளியாகி கலவையான விமர்சனங்களை பெற்றது. அதே சமயம் இவர் தனது 41வது திரைப்படத்தில் நடித்து வருகிறார். இதற்கிடையில் ‘ஆர்டிஎக்ஸ்’ படத்தின் இயக்குனர் நகாஸ் ஹிதாயத் இயக்கத்தில் தனது 40வது படமான ஐ அம் கேம் எனும் திரைப்படத்தில் நடிக்கிறார். கமர்சியல் படமாக உருவாகும் இந்த படத்தை துல்கர் சல்மான் தனது வேப்பரர் ஃபிலிம்ஸ் நிறுவனத்தின் சார்பில் தயாரிக்கிறார். இதில் மிஸ்கின், சம்யுக்தா விஸ்வநாதன் ஆகியோர் துல்கர் சல்மான் உடன் இணைந்து நடிக்கின்றனர். இதன் படப்பிடிப்புகள் ஏற்கனவே தொடங்கி விறுவிறுப்பாக நடைபெற்று வருகிறது. படமானது தமிழ், தெலுங்கு, மலையாளம், இந்தி, கன்னடம் ஆகிய மொழிகளில் திரையிடப்பட திட்டமிடப்பட்டுள்ளது. இந்நிலையில் இந்த படத்தின் ஃபர்ஸ்ட் லுக் போஸ்டரை படக்குழு வெளியிட்டுள்ளது. இந்த போஸ்டரில் துல்கர் சல்மான் பவர்ஃபுல்லான, ஸ்டைலிஷான தோற்றத்தில் காண்பிக்கப்பட்டுள்ளார். ஏற்கனவே இந்த படத்தின் மீதான எதிர்பார்ப்பு அதிகமாக இருந்து வரும் நிலையில், தற்போது இந்த போஸ்டரும் ரசிகர்களின் கவனம் ஈர்த்து இணையத்தில் வைரலாகி வருகிறது. மேலும் இந்த போஸ்டரின் மூலம் இந்த படத்திற்கு ஜேக்ஸ் பிஜாய் இசையமைக்கிறார் என்பதும் அறிவிக்கப்பட்டுள்ளது.