ஃபைட் கிளப் படத்தின் வரவேற்பும் வசூலும்!

லோகேஷ் கனகராஜ் தயாரிப்பில் வெளியான ஃபைட் கிளப் படத்தின் வசூல் குறித்த தகவல் வெளியாகி உள்ளது.

உறியடி விஜயகுமார் நடிப்பில் அப்பாஸ் ஆர்.ரஹ்மத் இயக்கத்தில் உருவாகியுள்ள திரைப்படம் ஃபைட் கிளப். இப்படத்தில் கார்த்திகேயன் சந்தானம், ஷங்கர் தாஸ் உள்ளிட்ட பலர் முக்கிய கதாபாத்திரங்களில் நடித்துள்ளனர். ரீல் குட் ஃபிலிம் தயாரித்துள்ள இப்படத்திற்கு கோவிந்த் வசந்தா இசை அமைத்துள்ளார். இப்படத்தை பிரபல இயக்குநர் லோகேஷ் கனகராஜ் தயாரித்து உள்ளார். ஜி ஸ்குவாட் எனும் தயாரிப்பு நிறுவனத்தை தொடங்கி உள்ள லோகேஷ், தனது நிறுவனத்தின் முதல் படமாக ஃபைட் கிளப் படத்தை தயாரித்து உள்ளார்.

இப்படம் குறித்து ஆரம்பத்தில் எதிர்மறையான விமர்சனங்கள் வந்தன. ஆனால், இயக்குநர் கார்த்திக் சுப்புராஜ், நடிகர் சூர்யா போன்றோர் இப்படத்தைப் பற்றி தங்களின் டிவிட்டர் பக்கத்தில் பாராட்டி வாழ்த்து தெரிவித்திருந்தனர். தற்போது இப்படம் திரையரங்குகளில் அதிகப்படியான ரசிகர்களை கவர்ந்து வருகிறது. படத்தை காண மக்கள் ஆர்வம் காட்டுவதால், திரையரங்குகளில் ரசிகர்கள் கூட்டம் அலைமோதுகிறது. இளைஞர்கள் மத்தியில் இத்திரைப்படம் நல்ல வரவேற்பை பெற்று வருகிறது.

இப்படத்தின் மூன்று நாள் வசூல் ஐந்தரை கோடியை தாண்டியது. தற்போது படம் வெளியாகி 5 நாட்கள் ஆகியுள்ள நிலையில், இதுவரை 5 கோடியே 75 லட்சம் ரூபாய் வசூலித்துள்ளது. இதனால், படக்குழுவினர் அனைவரும் மகிழ்ச்சியில் உள்ளனர்.