அஜித் நடிப்பில் ஆதிக் ரவிச்சந்திரன் இயக்கத்தில் மைத்ரி மூவி மேக்கர்ஸ் நிறுவனம் தயாரித்து வரும் படம் ‘குட் பேட் அக்லி’. இந்தப் படத்தின் படப்பிடிப்பு ஹைதராபாத்தில் நடைபெற்று வந்தது.
இந்த படம் பொங்கல் – 2025 வெளியீடு என்று அதிகாரபூர்வ அறிவிப்பின் போது உறுதிச் செய்யப்பட்ட நிலையில் தற்போது நிச்சயம் பொங்கலுக்கு வெளியாகும் என்று தயாரிப்பாளர் உறுதிப்படுத்தி உள்ளார். இதுவரை 40% காட்சிகள் படமாக்கப்பட்டுள்ளது.
மகிழ் திருமேனி இயக்கத்தில் அஜித் நடித்துள்ள ‘விடாமுயற்சி’ திரைப்படம் தீபாவளி வெளியீடு என தெரிவித்தனர். ஆனால், படப்பிடிப்பு தாமதம் காரணத்தினால் தீபாவளி வெளியீடுக்கு வாய்ப்பில்லை என்பது உறுதியாகிவிட்டது. நவம்பர் அல்லது டிசம்பரில் வெளியீட கூடும் என லைகா தரப்பில் தெரிவிக்கப்பட்டுள்ளது.
திருப்போரூரில் கேலோ இந்தியா அமைப்பின் சார்பில் பெண்களுக்கான சைக்கிள் போட்டி
ஹைதராபாத்தில் நடைபெற்ற ‘மதுவடலரா 2’ படவிழாவில் மைத்ரி மூவி மேக்கர்ஸ் ரவிசங்கர் “‘குட் பேட் அக்லி’ திரைப்படம் பொங்கலுக்கு தமிழில் வெளியாகவுள்ளது என அறிவித்துள்ளார். இப்படம் தெலுங்கிலும் பிரம்மாண்டமாக வெளியாகும் என்றும் தெரிவித்துள்ளார். விரைவில் ‘குட் பேட் அக்லி’ படத்தின் அடுத்தகட்டப் படப்பிடிப்பு ஸ்பெயின் நாட்டில் நடைபெறவுள்ளது என கூறப்படுகிறது.