ஹாய் நான்னா படத்தில் துருவ் விக்ரம் பாடிய பாடல் ரிலீஸ்

நானி நடிப்பில் உருவாகியிருக்கும் ஹாய் நான்னா படத்திலிருந்து புதிய பாடல் வெளியாகி உள்ளது.

நடிகர் நானி தசரா திரைப்படத்திற்கு பிறகு ஹாய் நான்னா திரைப்படத்தில் நடித்துள்ளார். இந்த படத்தில் நானிக்கு ஜோடியாக மிர்ணாள் தாகூர் நடித்துள்ளார். இவர் சீதா ராமம் படத்தில் துல்கர் சல்மானுக்கு ஜோடியாக நடித்திருந்தார். அப்படத்தில் மிருணாள் தாகூரின் நடிப்பு அனைவராலும் பாராட்டப்பட்டது. இதைத் தொடர்ந்து, தெலுங்கில் அவருக்கு பட வாய்ப்புகள் குவிந்து வருகின்றன. நானியின் முப்பதாவது திரைப்படம் ஆன இந்த படத்தை சௌரவ் இயக்கியுள்ளார். சனு ஜான் வர்கீஸ் ஒளிப்பதிவியிலும் தேசம் அப்துல்லா இசையிலும் இப்படம் உருவாகியுள்ளது.

வைரா என்டர்டெயின்மென்ட் நிறுவனம் இதனை தயாரித்துள்ளது. வருகின்ற டிசம்பர் 21ஆம் தேதி தமிழ், தெலுங்கு, மலையாளம் ,இந்தி, கன்னடம் உள்ளிட்ட மொழிகளில் இப்படம் வெளியாக இருக்கிறது. இந்த படத்தின் ‘நிழலிலேயே’ மற்றும் நான்னா என்ற இரண்டு பாடல்கள் வெளியாகி ரசிகர்களிடையே வரவேற்பை பெற்றது. அதைத் தொடர்ந்து, படத்தின் டீசரும் வெளியாகி வரவேற்பை பெற்றது.

இந்நிலையில், ஒடியம்மா என்ற பாடல் தற்போது வெளியாகியுள்ளது. இப்பாடலை துருவ் விக்ரம் பாடியிருக்கிறார். தமிழில் அறிமுகமான துருவ், பாடல் பாடுவது இதுவே முதல் முறையாகும். மேலும், இந்த பாடலில் நடிகை ஸ்ருதி ஹாசன் நடனம் ஆடியிருக்கிறார். இந்த பாடல் சமூக வலைதளங்களில் வைரலாகி வருகிறது.