எல்ஐகே படத்தின் ரிலீஸ் குறித்த புதிய தகவல் வெளியாகியுள்ளது.
தமிழ் சினிமாவில் கோமாளி படத்தில் மூலம் இயக்குனராக அறிமுகமாகி லவ் டுடே என்ற மாபெரும் வெற்றி படத்தை கொடுத்தவர் பிரதீப் ரங்கநாதன். இந்த படத்தில் இவர் நடிகராகவும் அறிமுகமாகி பெயரையும் புகழையும் பெற்றார். அதைத்தொடர்ந்து அஸ்வத் மாரிமுத்து இயக்கத்தில் டிராகன் திரைப்படத்திலும் நடித்திருந்தார். இந்த படமும் ரசிகர்களை வெகுவாக கவர்ந்து மெகா பிளாக்பஸ்டர் ஹிட் அடித்தது. இந்த வெற்றியை தொடர்ந்து மைத்ரி மூவி மேக்கர்ஸ் நிறுவனத்தின் தயாரிப்பில் கீர்த்திஸ்வரன் இயக்கும் புதிய படத்திலும் நடித்து வருகிறார் பிரதீப். இந்த படத்தின் முதற்கட்ட படப்பிடிப்பு ஏற்கனவே நிறைவடைந்து விட்டதாக சொல்லப்படுகிறது. இதற்கிடையில் இவர் விக்னேஷ் சிவன் இயக்கத்தில் நடித்து வந்த எல்ஐகே படத்தின் படப்பிடிப்பு மலேசியா, சிங்கப்பூர் போன்ற பகுதிகளில் நடைபெற்றது. 
அடுத்தது இதன் இறுதி கட்ட படப்பிடிப்பு சென்னையில் 12 நாட்கள் நடைபெற இருப்பதாக தற்போதைய தகவல்கள் தெரிவிக்கின்றன. எனவே இந்த படத்தை 2025 செப்டம்பர் மாதத்தில் வெளியிட படக்குழு திட்டமிட்டு வருவதாக தெரிய வந்திருக்கிறது. இனிவரும் நாட்களில் அதிகாரப்பூர்வ அறிவிப்பு வெளியாகும் என நம்பப்படுகிறது.
எல்ஐகே திரைப்படத்தை செவன் ஸ்கிரீன் ஸ்டுடியோ நிறுவனமும், ரௌடி பிக்சர்ஸ் நிறுவனமும் இணைந்து தயாரிக்கிறது. அனிருத் இதற்கு இசையமைக்கிறார். இந்த படத்தில் பிரதீப் ரங்கநாதனுடன் இணைந்து க்ரித்தி ஷெட்டி, எஸ்.ஜே. சூர்யா, சீமான் மற்றும் பலர் நடிக்கின்றனர் என்பது குறிப்பிடத்தக்கது.