பராசக்தி படத்திலிருந்து புதிய அறிவிப்பு வெளியாகி உள்ளது.
சிவகார்த்திகேயன், ரவி மோகன், அதர்வா, ஸ்ரீலீலா ஆகியோரின் நடிப்பில் உருவாகி வரும் திரைப்படம் தான் பராசக்தி. இந்த படம் சிவகார்த்திகேயனின் 25 வது படமாகும். இதை இறுதிச்சுற்று, சூரரைப் போற்று ஆகிய படங்களை இயக்கிய சுதா கொங்கரா இயக்குகிறார். டான் பிக்சர்ஸ் நிறுவனம் இந்த படத்தை தயாரிக்க ஜி.வி. பிரகாஷ் இதற்கு இசையமைக்கிறார். ரவி கே. சந்திரன் இதன் ஒளிப்பதிவு பணிகளை கவனிக்கிறார். இந்த படமானது இந்தி திணிப்பை மையமாக வைத்து எடுக்கப்படுகிறது. 
இதன் படப்பிடிப்புகளும் மதுரை, சிதம்பரம், சென்னை, இலங்கை ஆகிய பகுதிகளில் விறுவிறுப்பாக நடைபெற்று முடிந்துள்ளது. அதே சமயம் இந்த படமானது அடுத்த ஆண்டு 2026 ஜனவரி 14ஆம் தேதி பொங்கல் தினத்தை முன்னிட்டு உலகம் முழுவதும் திரைக்கு வரும் என அறிவிக்கப்பட்டுள்ளது. இதற்கிடையில் இந்த படத்தில் இருந்து அடுத்தடுத்த பாடல்கள் வெளியாகி இணையத்தில் வைரலாகி வருகிறது.
When his voice turns into a storm 🔥@Siva_Kartikeyan begins dubbing for #Parasakthi – Coming to theatres on January 14th pic.twitter.com/EA7P4W7lEW
— DawnPictures (@DawnPicturesOff) November 28, 2025
இந்நிலையில் படக்குழு புதிய அறிவிப்பை வெளியிட்டுள்ளது. அதன்படி நடிகர் சிவகார்த்திகேயன், பராசக்தி படத்தின் டப்பிங் பணிகளை தொடங்கி இருப்பதாக வீடியோ ஒன்றின் மூலம் படக்குழு அறிவித்துள்ளது. இதற்கு முன்னதாக ரவி மோகன் டப்பிங் பணிகளை தொடங்கியதாக படக்குழு அறிவித்திருந்தது குறிப்பிடத்தக்கது.