அல்லு அர்ஜுன் நடிப்பில் வெளியான புஷ்பா 2 படத்தின் ஓடிடி ரிலீஸ் குறித்த அப்டேட் வெளியாகியுள்ளது.
அல்லு அர்ஜுன் நடிப்பில் கடந்த 2021 ஆம் ஆண்டு வெளியான புஷ்பா 1- தி ரைஸ் திரைப்படம் ரசிகர்கள் மத்தியில் நல்ல வரவேற்பை பெற்றது. எனவே அதைத்தொடர்ந்து தற்போது புஷ்பா 2- தி ரூல் திரைப்படமும் உருவாக்கப்பட்டிருந்த நிலையில் ஆரம்பத்தில் இருந்தே இந்த படத்தின் மீதான எதிர்பார்ப்பு மிகப்பெரிய அளவில் இருந்து வந்தது. அதன்படி சுகுமார் இயக்கத்தில் கடந்த டிசம்பர் 5ஆம் தேதி உலகம் முழுவதும் வெளியான இந்த படம் ரசிகர்களின் எதிர்பார்ப்பை பூர்த்தி செய்திருக்கிறது. அந்த வகையில் இந்த படம் வெறும் 6 நாட்களில் ரூ.1000 கோடிக்கும் அதிகமாக வசூல் செய்து சாதனை படைத்திருக்கிறது. அடுத்தது 11 நாட்களில் இந்த படம் 1409 கோடி வரை வசூல் செய்துள்ளதாக படக்குழு அதிகாரப்பூர்வமாக அறிவித்திருக்கிறது. எனவே விரைவில் இந்த படம் 1500 கோடியை நெருங்கிவிடும் என்று எதிர்பார்க்கப்படுகிறது. 
இந்நிலையில் இந்த படம் 2025 ஜனவரி மாதம் 9ஆம் தேதி நெட்பிளிக்ஸ் ஓடிடி தளத்தில் தமிழ், தெலுங்கு, மலையாளம், இந்தி, கன்னடம், ஆகிய மொழிகளில் வெளியாகும் என புதிய அப்டேட் கிடைத்துள்ளது. இனிவரும் நாட்களில் தொடர்பான அதிகாரப்பூர்வ அறிவிப்பு வெளியாகலாம் என்று நம்பப்படுகிறது.
புஷ்பா 2 படத்தை மைத்ரி மூவி மேக்கர்ஸ் நிறுவனம் தயாரிக்க தேவி ஸ்ரீ பிரசாத் மற்றும் சாம் சி எஸ் ஆகியோர் இணைந்து இந்த படத்திற்கு இசையமைத்திருந்தனர். இந்த படத்தில் அல்லு அர்ஜுனுடன் இணைந்து பகத் பாசில் மற்றும் ராஷ்மிகா ஆகியோர் முக்கிய கதாபாத்திரங்களில் நடித்திருந்தனர் என்பது குறிப்பிடத்தக்கது.