- Advertisement -
ரஜினியின் 170-வது படம் குறித்த அறிவிப்பு
நடிகர் ரஜினிகாந்தின் 170-வது படம் குறித்த அதிகாரபூர்வ அறிவிப்பு வெளியானது.
சன் பிக்சர்ஸ் தயாரிப்பில் ஜெயிலர் படத்தில் நடிக்கும் ரஜினி
சன் பிக்சர்ஸ் தயாரிப்பில் ரஜினிகாந்த் நடித்து வரும் 169-வது திரைப்படம் ‘ஜெயிலர்‘. டாக்டர் , பீஸ்ட் உள்ளிட்ட படங்களை இயக்கிய நெல்சன் திலீப்குமார் இந்த படத்தை இயக்குகிறார். படத்திற்கு அனிருத் இசையமைக்கிறார். இந்த படத்தின் படப்பிடிப்பு, கடந்த ஒரு வருடமாக சென்னை, ஐதராபாத், ராஜஸ்தான் என பல்வேறு இடங்களில், பல கட்டங்களாக நடைபெற்று வருகிறது.
லைகா தயாரிப்பில், ஞானவேல் இயக்கத்தில் நடிக்கும் ரஜினி
இந்நிலையில், ரஜினி நடிக்கும் 170-வது படம் குறித்த அதிகாரப்பூர்வ அறிவிப்பு வெளியானது. சூர்யாவை வைத்து ஜெய் பீம் படத்தை இயக்கிய ஞானவேல், ரஜினிகாந்த்தின் 170-வது படத்தை இயக்குகிறார். லைகா நிறுவனம் படத்தை தயாரிக்கிறது. இந்த படத்திற்கு அனிருத் இசை அமைக்கவுள்ளார். 2024-ம் ஆண்டு இப்படம் திரைக்கு வரும் என தெரிவிக்கப்பட்டு உள்ளது.