நடிகர் கவின் தமிழ் சினிமாவில் வளர்ந்து வரும் இளம் நடிகர்களில் ஒருவர் ஆவார். இவரது நடிப்பில் வெளியான லிஃப்ட், டாடா ஆகிய படங்கள் ரசிகர்கள் மத்தியில் பெரும் வரவேற்பை பெற்றது.
அதைத்தொடர்ந்து இவர் ஸ்டார் எனும் திரைப்படத்தில் நடித்திருந்தார். இந்த படம் ரசிகர்கள் மத்தியில் கலவையான விமர்சனங்களை பெற்றது. மேலும் மாஸ்க், ஹாய் போன்ற அடுத்தடுத்த படங்களில் பிஸியாக நடித்து வருகிறார் கவின். இதற்கிடையில் இவர் நடன இயக்குனர் சதீஷ் இயக்கத்தில் புதிய படம் ஒன்றில் நடித்திருக்கிறார். இந்த படத்திற்கு கிஸ் என்ற தலைப்பு வைக்கப்பட்டுள்ளதாக சொல்லப்படுகிறது. இந்த படத்தில் கவினுக்கு ஜோடியாக அயோத்தி பட நடிகை ப்ரீத்தி அஸ்ராணி நடித்துள்ளார். மேலும் இவர்களுடன் இணைந்து நடிகர் பிரபு, மிஸ்கின் ஆகியோர் நடித்திருப்பதாக சொல்லப்படுகிறது. ரோமியோ பிக்சர்ஸ் நிறுவனம் இந்த படத்தை தயாரிக்க ஜென் மார்ட்டின் இதற்கு இசை அமைக்கிறார். ரொமான்டிக் காதல் கதைக்களத்தில் உருவாகி இருக்கும் இந்த படத்தின் படப்பிடிப்பை ஏற்கனவே தொடங்கப்பட்டு சென்னை மற்றும் அதன் சுற்று வட்டார பகுதிகளில் விறுவிறுப்பாக நடைபெற்று வந்தது.
இந்நிலையில் இந்த படத்தின் ஒட்டுமொத்த படப்பிடிப்பும் நிறைவடைந்துள்ளதாக அறிவிக்கப்பட்டிருக்கிறது. மேலும் இந்த படத்தினை 2025 மார்ச் மாதத்தில் திரைக்கு கொண்டு வர படக்குழு திட்டமிட்டு வருவதாகவும் தெரியவந்துள்ளது. இனிவரும் நாட்களில் அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.
- Advertisement -