பர்த் மார்க் படத்தின் முன்னோட்டம் வெளியானது

ஷபீர் நடிப்பில் உருவாகி இருக்கும் பர்த் மார்க் படத்தின் முன்னோட்டம் இணையத்தில் வௌியாகி வரவேற்பை பெற்று வருகிறது.

தமிழ் திரையுலகில் வளர்ந்து வரும் இளம் நாயகர்களில் ஒருவர் ஷபீர். இவருக்கு டான்சிங் ரோஸ் ஷபீர் என்ற மற்றொரு பெயரும் உண்டு. இவர் பல முக்கிய கதாபாத்திரங்களில் நடித்திருந்தாலும், பா ரஞ்சித் இயக்கத்தில் வெளியான சார்பட்டா பரம்பரை படத்தில் தான் ஷபீரின் புகழ் உச்சம் தொட்டது. இப்படத்தில் டான்சிங் ரோஸ் என்ற கதாபாத்திரத்தில் நடித்ததன் மூலம் ரசிகர்கள் மனதில் இடம்பிடித்தார் ஷபீர். இப்படத்தைத் தொடர்ந்து ஷபீர் நடித்த அடுத்த திரைப்படம் தான் ரோடு. த்ரிஷா நாயகியா நடித்த இப்படத்தில் ஷபீர் முக்கிய கதாபாத்திரத்தில் நடித்திருந்தார்.

இப்படத்தை தொடர்ந்து ஷபீர் நடித்துள்ள புதிய திரைப்படம், பர்த் மார்க் இயக்குநர் விக்ரம் ஸ்ரீரன் இப்படத்தை இயக்கி எழுதியிருந்தார். இவருக்கு ஜோடியாக படத்தில் மிர்னா நடித்துள்ளார். இத்திரைப்படத்திற்கு விஷால் சந்திரசேகர் இசை அமைக்கும் படத்திற்கு உதய் தங்கவேல் ஒளிப்பதிவு செய்கிறார். மிஸ்ட்ரி டிராமாவாக இத்திரைப்படத்தின் கதை அமைந்துள்ளது. 90-களில் நடக்கும்படியாக கதையை அமைத்துள்ளனர். பெண்கள் அனுபவிிக்கும் மனரீதியான மற்றும் உடல் ரீதியான பிரச்சனைகளை இப்படம் வெளிக்காட்டுவதாக இயக்குநர் தெரிவித்திருந்தார்.

இந்நிலையில், பர்த் மார்க் படத்திலிருந்து முதல்தோற்றம் மற்றும் பாடல் ஏற்கனவே வெளியாகி வரவேற்பை பெற்ற நிலையில், தற்போது படத்தின் முன்னோட்டம் வௌியாகி வைரலாகி வருகிறது. வரும் 23-ம் தேதி படம் வெளியாகிறது.