அயலா… அயலா… வந்தது அயலான் டிரைலர்….

சிவகார்த்திகேயன் நடிப்பில் ரசிகர்களால் எதிர்பார்க்கப்பட்ட அயலான் படத்தின் முன்னோட்டம் வெளியாகி உள்ளது.

கோலிவுட்டின் தவிர்க்க முடியாத நாயகன் சிவகார்த்திகேயன். சின்னத்திரையிலிருந்து வெள்ளித்திரைக்கு வந்த ஜொலித்துக் கொண்டிருக்கும் முன்னணி நடிகர் சிவா. இவரது நடிப்பில் அடுத்தடுத்து பல திரைப்படங்கள் வெளியாகிக் கொண்டிருக்கின்றன. டான், மாவீரன் ஆகிய இரண்டு திரைப்படங்களும் சிவகார்த்திகேயன் நடிப்பில் இறுதியாக வெளியானவை. மாவீரன் படத்தை தேசிய விருது வென்ற மடோன் அஸ்வின் இயக்கியிருந்தார். சமூக சூழலை பேசிய இத்திரைப்படம் ரசிகர்களிடையே பெரும் வரவேற்பை பெற்றது.

இதையடுத்து, அவர் தற்போது நடித்துள்ள திரைப்படம் அயலான். இப்படத்தில் இதில் சிவகார்த்திகேயனுடன் இணைந்து ரகுல் பிரீத் சிங், இஷா கோபிகர், கருணாகரன், யோகி பாபு மற்றும் பலர் நடித்துள்ளனர். 24 ஏ எம் ஸ்டுடியோஸ் நிறுவனம் இந்த படத்தை தயாரித்துள்ளது. ஏ ஆர் ரகுமான் படத்திற்கு இசையமைத்துள்ளார். ஆர் ரவிக்குமார் திரைப்படத்தை இயக்கி இருக்கிறார். இப்படம் வருகின்ற பொங்கல் பண்டிகையை முன்னிட்டு ஜனவரி 12-ம் தேதி வெளியாகிறது. சயின்ஸ் பிக்சன் கதைக்களத்தில் ஏலியனை மையப்படுத்தி திரைப்படத்தை உருவாக்கி இருக்கின்றனர்.

இந்நிலையில், அயலான் படத்தின் டிரைலர் தற்போது இணையத்தில் வெளியாகி உள்ளது. டிரைலர் வெளியீட்டு நிகழ்ச்சி துபாயில் கோலாகலமாக நடைபெற்று வருகிறது. ஏற்கனவே படத்தின் டீசர் மற்றும் இரண்டு பாடல்கள் வெளியாகிய நிலையில், தற்போது முன்னோட்டம் வெளியாகி வரவேற்பை பெற்று வருகிறது.