தென்னிந்திய திரையுலகில் குறுகிய காலத்திலேயே முன்னணி இளம் நடிகையாக வலம் வருபவர் நடிகை ஸ்ரீலீலா. பெங்களூரில் பிறந்து, ஒருபுறம் மருத்துவம் (MBBS) படித்துக்கொண்டே, மறுபுறம் சினிமாவில் டாப் ஹீரோக்களுடன் ஜோடி சேர்ந்து ‘அறிவும் அழகும்’ நிறைந்தவராக ரசிகர்களின் நெஞ்சங்களை கவர்ந்துள்ளார்.
2019-ல் கன்னடத்தில் வெளியான ‘கிஸ்’ படத்தின் மூலம் அறிமுகமான ஸ்ரீலீலா, பின்னர் தெலுங்கு திரையுலகில் தடம் பதித்தார். ‘தமாகா’ படத்தில் ரவி தேஜாவுடனும், ‘குண்டூர் காரம்’ படத்தில் மகேஷ் பாபுவுடனும் இவர் ஆடிய நடனம் இவரை தென்னிந்தியாவின் சிறந்த நடனக் கலைஞர்களில் ஒருவராக அடையாளப்படுத்தியது. சமீபத்தில் ‘புஷ்பா 2’ படத்தின் ‘Kissik’ பாடலில் இவரது நடனம் இந்திய அளவில் வைரலானது.
தற்போது திரைப்படங்கள் தாண்டி, சமூக வலைதளங்கள் மூலமாகவும் ஸ்ரீலீலா கோடிகளில் வருமானம் ஈட்டி வருவதாக வர்த்தக வட்டாரங்கள் தெரிவிக்கின்றன. அதன் முழு விவரம் இதோ:
ஒரு இன்ஸ்டா போஸ்ட்டுக்கு இவ்வளவு கட்டணமா? இன்ஸ்டாகிராமில் ஸ்ரீலீலாவுக்கு மிகப்பெரிய ரசிகர் பட்டாளம் உள்ளது. டிஜிட்டல் தளங்களில் இவருக்கு இருக்கும் அசுர வேக பிரபலத்தை பயன்படுத்த முன்னணி பிராண்டுகள் வரிசையில் நிற்கின்றன. சமீபத்திய தகவல்களின்படி, ஸ்ரீலீலா தனது இன்ஸ்டாகிராம் பக்கத்தில் பதிவிடும் ஒவ்வொரு விளம்பரப் பதிவிற்கும் (Sponsored Post) சுமார் ரூ. 8 லட்சம் முதல் ரூ. 10 லட்சம் வரை கட்டணம் வசூலிப்பதாகக் கூறப்படுகிறது.
மாதம் மற்றும் ஆண்டு வருமானம்: சமூக ஊடக விளம்பரங்கள் மூலமாக மட்டுமே ஸ்ரீலீலா மாதத்திற்கு ரூ. 40 லட்சம் முதல் ரூ. 60 லட்சம் வரை வருமானம் ஈட்டுகிறார். இதன் மூலம், திரைப்படங்கள் இல்லாத நேரத்திலும் சமூக ஊடகங்கள் வழியாக மட்டுமே ஆண்டுக்கு சுமார் ரூ. 4 கோடி முதல் ரூ. 5 கோடிக்கும் மேல் அவர் சம்பாதித்து வருகிறார்.
திரைப்பட சம்பளம்: வெள்ளித்திரையைப் பொறுத்தவரை, நடிகை ஸ்ரீலீலா தற்போது நடிக்கும் ஒவ்வொரு புதிய திரைப்படத்திற்கும் ரூ. 3 கோடி முதல் ரூ. 4 கோடி வரை சம்பளமாக பெற்று வருகிறார் என்பது குறிப்பிடத்தக்கது.
சினிமா, படிப்பு, சோசியல் மீடியா என அனைத்து தளங்களிலும் இளம் வயதிலேயே ஸ்ரீலீலா சாதனை படைத்து வருவது அவரது ரசிகர்களை வியப்பில் ஆழ்த்தியுள்ளது.