நடிகர் அஜித் தற்போது மகிழ் திருமேனி இயக்கி வரும் விடாமுயற்சி திரைப்படத்தில் நடித்து வருகிறார். இந்த படத்தில் அஜித்துடன் இணைந்து திரிஷா, அர்ஜுன், ஆரவ் , ரெஜினா மற்றும் பலர் நடித்து வருகின்றனர். இந்தப் படத்தை லைக்கா ப்ரோடக்ஷன் நிறுவனம் தயாரிக்க படத்திற்கு அனிருத் இசை அமைக்கிறார். 
இந்த படத்தின் படப்பிடிப்புகள் சில மாதங்களுக்கு முன்பாக தொடங்கப்பட்டு அஜர் பைஜானில் விறுவிறுப்பாக நடைபெற்று வந்தது. கிட்டத்தட்ட 50 சதவீத படப்பிடிப்புகள் முடிவடைந்துள்ளதாகவும் கூறப்படுகிறது. அதே சமயம் அஜர் பைஜானில் பருவநிலை மாற்றம் காரணமாக படப்பிடிப்பை தொடர முடியாமல் படக்குழுவினர் சென்னை திரும்பியுள்ளனர். எனவே விடாமுயற்சி படத்தின் அடுத்த கட்ட படப்பிடிப்பும் தொடங்கப்படாமல் நிலுவையில் இருக்கிறது. மீதமுள்ள காட்சிகளை படமாக்க படக்குழுவினர் வேறொரு லொகேஷனை தேடி வருகின்றனர்.
இதற்கிடையில் நடிகர் அஜித், ஆதித் ரவிச்சந்திரன் இயக்கத்தில் புதிய படம் ஒன்றில் நடிப்பதற்கு கமிட் ஆகியுள்ளார். இந்தப் படத்தின் பூஜை கடந்த சில நாட்களுக்கு முன்பாகவே சென்னையில் நடைபெற்று முடிந்தது. 
எனவே அஜித், விடாமுயற்சி படப்பிடிப்பை முடித்துவிட்டு ஆதிக் ரவிச்சந்திரன் இயக்க உள்ள ஏகே 63 படத்தில் இணைவார் என்று எதிர்பார்க்கப்பட்டது. அதன்படி ஏகே 63 படப்பிடிப்பு ஏப்ரல் மாதத்தில் தொடங்க இருப்பதாகவும் செய்திகள் வெளியானது. இந்நிலையில் விடாமுயற்சி படப்பிடிப்பு தாமதமாகி வருவதால் ஏகே 63 படப்பிடிப்பும் தள்ளிப்போகிறது. தற்போதைய தகவலின் படி விடாமுயற்சி படத்தின் படப்பிடிப்பு மே மாதம் வரை நடைபெறும் எனவும் அதன் பின்னர் தான் ஏகே 63 படப்பிடிப்பு தொடங்கும் எனவும் தெரியவந்துள்ளது.