மம்மூட்டி நடிக்கும் டர்போ படத்தின் படப்பிடிப்பு நிறைவு

மம்மூட்டி நடிக்கும் டர்போ படத்தின் படப்பிடிப்பு நிறைவு பெற்றதை, படக்குழு அறிவித்துள்ளது.

மோலிவுட் திரையுலகில் சூப்பர்ஸ்டாராக கொண்டாடப்படும் நாயகன் மம்மூட்டி. மலையாள ரசிகர்கள் மற்றும் திரையுலகினரால் மம்மூக்கா என்று அன்புடன் அழைக்கப்படுகிறார். அவரது நடிப்பில் இறுதியாக வெளியான திரைப்படம் கன்னூர் ஸ்குவாட். கடந்த ஆண்டு வெளியான இத்திரைப்படம் ரசிகர்கள் மத்தியில் பெரும் வரவேற்பை பெற்றது. மலையாளம் மட்டுமன்றி தமிழிலும் இத்திரைப்படம் வெற்றி பெற்றது. இதைத் தொடர்ந்து, மம்மூட்டி நடிப்பில் இறுதியாக வௌியான திரைப்படம் பிரம்மயுகம்.

பூதகாம் படத்தின் மூலம் கவனம் பெற்ற சதாவிசம் இத்திரைப்படத்தை இயக்கி இருக்கிறார். அர்ஜூன் அசோகன், சித்தார்த், பரதன், அமல்டா லிஸ் உள்ளிட்ட பலர் முக்கிய கதாபாத்திரங்களில் நடித்திருந்தனர். சேவியர் படத்திற்கு இசை அமைத்தார். இத்திரைப்படம் கடந்த 15-ம் தேதி திரையரங்குகளில் வெளியாகி ரசிகர்கள் மத்தியில் கவனம் பெற்று வருகிறது.

இதைத் தொடர்ந்து மம்மூட்டி நடிக்கும் புதிய திரைப்படம் தான் டர்போ. புலி முருகன் படத்தை இயக்கிய வியாஷக் இயக்கி உள்ளார். ஜஸ்டின் வர்கீசன் இப்படத்திற்கு இசை அமைத்திருக்கிறார். படத்தின் முதல் தோற்றம் வெளியாகி வரவேற்பை பெற்றது. படப்பிடிப்பு விறுவிறுப்பாக சென்ற நிலையில், தற்போது நிறைவு பெற்றதாக படக்குழு அறிவித்துள்ளது.