2025-ல் ரீ ரிலீஸ் செய்யப்படும் விஜயின் ‘சச்சின்’ திரைப்படம்!

விஜயின் சச்சின் திரைப்படம் ரீ ரிலீஸ் செய்யப்பட இருப்பதாக தகவல் வெளியாகியுள்ளது.நடிகர் விஜய் கடைசியாக கோட் திரைப்படத்தில் நடித்திருந்தார். இதைத்தொடர்ந்து ஹெச். வினோத் இயக்கத்தில் தனது 69 வது திரைப்படத்தில் நடித்து வருகிறார் விஜய். இந்த படத்தின் படப்பிடிப்புகள் விறுவிறுப்பாக நடைபெற்று வருகிறது. அரசியல்வாதியாக மாறியுள்ள விஜயின் கடைசி படம் இது என்பதால் இந்த படத்தின் மீதான எதிர்பார்ப்பு அதிகமாக இருந்து வருகிறது. இந்நிலையில் நடிகர் விஜயின் சச்சின் திரைப்படம் ரீ ரிலீஸ் செய்யப்பட உள்ளதாக அப்டேட் கிடைத்திருக்கிறது. கடந்த 2005 ஆம் ஆண்டு விஜய், ஜெனிலியா, வடிவேலு ஆகியோரின் கூட்டணியில் சச்சின் திரைப்படம் வெளியானது. இந்த படத்தை பிரபல இயக்குனர் மகேந்திரனின் மகன் ஜான் இயக்கியிருந்தார். கலைப்புலி தாணு இந்த படத்தை தயாரித்திருந்தார். இந்த படத்திற்கு தேவி ஸ்ரீ பிரசாத் இசையமைத்திருந்தார். இந்த படம் ரசிகர்கள் மத்தியில் நல்ல வரவேற்பை பெற்று வெற்றி படமாக அமைந்தது. தற்போது இந்த படம் 20 ஆண்டுகள் கழித்து மீண்டும் ரிலீஸ் செய்யப்பட இருக்கிறது. அதன்படி அடுத்த ஆண்டு ஏப்ரல் மாதத்தில் இந்த படத்தினை ரீ ரிலீஸ் செய்ய படக்குழு திட்டமிட்டு வருவதாக தற்போதைய தகவல்கள் தெரிவிக்கின்றன. விரைவில் அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.