இரண்டாவது குழந்தைக்கு தாயானார் அனுஷ்கா ஷர்மா… குவியும் வாழ்த்துகள்…

இந்தியாவில் முக்கிய நட்சத்திர தம்பதிகளாக வலம் வரும் விராட் கோலி மற்றும் அனுஷ்கா ஷர்மாவுக்கு இரண்டாவதாக ஆண் குழந்தை பிறந்துள்ளது.

சர்வதேச கிரிக்கெட்டில் முன்னனி வீரராக வலம் வருபவர் விராட் கோலி. இந்திய அணிக்காக விளையாடி வரும் விராட் கோலி பாலிவுட் நடிகை அனுஷ்கா ஷர்மாவை காதலித்து திருமணம் செய்து கொண்டனர். பாலிவுட்டில் முன்னனி நடிகையாக வலம் வருபவர் அனுஷ்கா ஷர்மா. ஷாருக்கான், ரன்வீர் சிங், ரன்பீர் கபூர் உள்பட டாப் நடிகர்கள் அனைவருடனும் ஜோடி சேர்ந்து பல ஹிட் படங்களை கொடுத்துள்ளார். திருமணத்திற்கும் பிறகும் பல படங்களில் அடுத்தடுத்து கமிட்டாகி நடித்து வருகிறார்.

இவர்களுக்கு கடந்த 2021-ம் ஆண்டு பெண் குழந்தை பிறந்தது. இக்குழந்தைக்கு வாமிகா எனப் பெயரிட்டனர். அண்மையிலல் தான் இரண்டாவது குழந்தைக்கு தாயாக உள்ளதாக அறிவித்திருந்தார். இந்நிலையில், விராட் கோலி- அனுஷ்கா தம்பதிக்கு இரண்டாவது குழந்தை பிறந்துள்ளது. ஆண் குழந்தை பிறந்திருக்கிறது. இதனை இருவரும் அதிகாரப்பூர்வமாக அறிவித்துள்ளனர். இது தொடர்பாக அனுஷ்கா சர்மா சமூக வலைதளங்களில் பதிவிட்டுள்ளார்.

வமிகாவின் சிறிய சகோதரனை இந்த உலகிற்கு வரவேற்பதாகவும், இந்த நேரத்தில் தங்களின் தனிமைக்கு மரியாதை அளிக்கும்படியும் அவர் கேட்டுக்கொண்டார். அக்குழந்தைக்கு அகய் எனவும் பெயர் வைத்துள்ளனர். அவருக்கு ரசிகர்கள் பலரும் வாழ்த்து தெரிவித்து வருகின்றனர்.