பைசன் படத்தின் டிரைலர் ரிலீஸ் குறித்த அப்டேட் வெளியாகியுள்ளது.
துருவ் விக்ரம் நடிப்பில் தற்போது உருவாகியுள்ள திரைப்படம் தான் பைசன். இந்த படத்தை மாரி செல்வராஜ் இயக்கியுள்ளார். பா. ரஞ்சித்தின் நீலம் ஸ்டுடியோஸ் நிறுவனமும், அப்ளாஸ் என்டர்டெயின்மென்ட் நிறுவனமும் இணைந்து இதனை தயாரிக்கிறது. நிவாஸ் கே பிரசன்னா இந்த படத்திற்கு இசையமைத்துள்ளார். இதில் துருவ் விக்ரம் வேறொரு பரிமாணத்தில் நடித்துள்ளார். இவருடன் இணைந்து பசுபதி, அனுபமா பரமேஸ்வரன், ரஜிஷா விஜயன் மற்றும் பலர் நடித்துள்ளனர். இப்படத்தின் மீதான எதிர்பார்ப்பு மிகப்பெரிய அளவில் இருந்து வருகிறது. ஏனென்றால் மாரி செல்வராஜின் முந்தைய படங்கள் பெரும் தாக்கத்தை ஏற்படுத்திய நிலையில் இந்த படத்தைக் காண ரசிகர்கள் ஆர்வத்துடன் காத்துக்கொண்டிருக்கின்றனர். அதன்படி இப்படம் வருகின்ற அக்டோபர் 17ஆம் தேதி தீபாவளி தினத்தை முன்னிட்டு உலகம் முழுவதும் திரைக்கு வர தயாராகி வருகிறது. 
இதற்கிடையில் படத்திலிருந்து அடுத்தடுத்த போஸ்டர்களும், பாடல்களும் வெளியாகி ரசிகர்களின் கவனம் ஈர்த்துள்ளன. எனவே அடுத்தபடியாக இந்த படத்தின் டிரைலர் எப்போது வெளியாகும்? என்ற கேள்வியும் எழுந்துள்ளது. வருகின்ற அக்டோபர் 12ஆம் தேதி இப்படத்தின் டிரைலர் வெளியாகும் என புதிய தகவல் கிடைத்துள்ளது. விரைவில் படக்குழுவினர் சார்பில் அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.