மதுரையில் இருந்து வந்த சுற்றுலாப் பயணிகளுடன் ‘சுப்பிரமணியபுரம்’ நினைவுகளைப் பகிர்ந்து கொண்ட சுவாரஸ்யம்! திண்டுக்கல் மாவட்டம் கொடைக்கானலுக்குச் சுற்றுலா வந்திருந்த பிரபல திரைப்பட இயக்கநரும் நடிகருமான சசிகுமார், கடந்த 8 ஆண்டுகளுக்கு முன்பு தான் நட்டு வைத்த மரம் வளர்ந்து சோலையாக நிற்பதைக் கண்டு பெரும் பூரிப்படைந்தார்.
மரத்தைப் பார்த்து நெகிழ்ச்சி:
சர்வதேசச் சுற்றுலாத் தலமான கொடைக்கானலுக்கு நடிகர் சசிகுமார் அண்மையில் வருகை தந்திருந்தார். கடந்த 2018-ஆம் ஆண்டு கொடைக்கானல் நட்சத்திர ஏரி சாலையில் உள்ள சிறுவர் பூங்காவில் அவர் மரக்கன்று ஒன்றை நட்டு வைத்திருந்தார்.
தற்போது 8 ஆண்டுகளுக்குப் பிறகு மீண்டும் அதே இடத்திற்கு வந்த அவர், தான் கைகளால் நட்ட மரம் நன்கு வளர்ந்து நிழல் தருவதைக் கண்டு அளவற்ற மகிழ்ச்சியடைந்தார். அந்த மரத்தை அன்புடன் தொட்டுப் பார்த்த அவர், மரத்துடன் சேர்ந்து செல்ஃபி மற்றும் புகைப்படங்களை எடுத்துத் தனது மகிழ்ச்சியைப் பகிர்ந்து கொண்டார்.
வரலாற்றுத் தூணைப் படம் பிடித்த நடிகர்:
தொடர்ந்து கொடைக்கானல் நட்சத்திர ஏரிப் பகுதியில் உலா வந்த சசிகுமார், அந்த ஏரியை உருவாக்கிய ஹென்றி லெவிங் என்பவரின் நினைவாக அமைக்கப்பட்ட நினைவுத் தூணைக் கண்டு வியந்தார். அந்தத் தூணில் பொறிக்கப்பட்டிருந்த வரலாற்றுச் சிறப்புமிக்க தகவல்களைத் தனது செல்போனில் ஆர்வதோடு படம் பிடித்துக் கொண்டார்.
மதுரைப் பயணிகளுடன் ‘சுப்பிரமணியபுரம்’ நினைவுகள்:
நடிகர் சசிகுமாரைக் கண்டதும் ஏரிப் பகுதியில் இருந்த சுற்றுலாப் பயணிகள் அவரைச் சூழ்ந்து கொண்டு புகைப்படங்கள் எடுத்துக்கொண்டனர்.
அப்போது, மதுரை சுப்பிரமணியபுரம் பகுதியிலிருந்து வந்திருந்த சுற்றுலாப் பயணிகள் சிலரிடம் சசிகுமார் உரையாடினார். தனது திரைப்பயணத்தில் திருப்புமுனையாக அமைந்த ‘சுப்பிரமணியபுரம்’ திரைப்படத்தின் கதைக் களம் உருவான விதம், அதன் கருத்து உருவாக்கம் மற்றும் மதுரை நினைவுகளை அவர்களுடன் நெகிழ்ச்சியோடு நினைவுகூர்ந்தார்.
சுற்றுலாப் பயணிகளுடன் மிகவும் எளிமையாகச் உரையாடி, புகைப்படங்கள் மற்றும் செல்ஃபிக்களை எடுத்துக்கொண்ட நடிகர் சசிகுமாரின் இந்தச் செயல் அப்பகுதியில் இருந்தவர்களிடையே பெரும் நெகிழ்ச்சியை ஏற்படுத்தியது.
நடிகர் விக்ரம் வீடியோ சர்ச்சை: லார் கிப்பான் குரங்குகள் நாளை வண்டலூர் பூங்காவிற்கு மாற்றம்!