இலங்கையில் ஏற்பட்டுள்ள பேரிடர் காரணமாக உதவிக்கரம் நீட்டிய இந்தியா, இந்தியாவிலிருந்து 80 டன் நிவாரண பொருட்கள் ஏற்றிய C130 விமானம் இன்று காலை 1:30 மணி அளவில் இலங்கை காட்டுநாயக்கன் விமான நிலையம் வந்தடைந்தது.
டிட்வா புயல் காரணமாக இலங்கை மற்றும் இலங்கை ஒட்டிய கடலோரப் பகுதிகளில் கனமழையால் கொழும்பு பிரதான வீதியில் மிகப்பெரிய அளவிலான மண் மேடுகள் சரிந்து விழுந்து பல உயிர் பலிகள் ஏற்பட்டு மீட்பு குழுவினர் அவர்களை மீட்டு பத்திரமாக பல்வேறு இடங்களில் தங்க வைத்து அவர்களுக்கு அத்தியாவசிய பொருட்களை வழங்கி வருகின்றனர். இதுவரை இலங்கையில் நிலச்சரிவு மற்றும் வெள்ளப்பெருக்கால் 123 பேர் உயிரிழந்துள்ளனர். மேலும் நிலச்சரிவில் சிக்கிய நபர்களை மீட்கும் பணியில் இலங்கை போலீசார் ஈடுபட்டு வருகின்றனர். இந்நிலையில் இலங்கையில் ஏற்பட்டுள்ள பேரிடர் காரணமாக இந்தியா உதவிக்கரம் நீட்டி உள்ளது.
சுமார் 80 டன் மதிப்பிலான நிவாரண பொருட்களை ஏற்றிச்சென்ற சி130 விமானம் நேற்று இரவு இந்தியாவிலிருந்து புறப்பட்டு அதிகாலை 1:45 மணி அளவில் இலங்கை காட்டுநாயக்கன் விமான நிலையம் வந்தடைந்தது. மேலும் இந்திய அரசாங்கத்தின் நன்கொடையாக வழங்கப்பட்ட சுகாதாரப் பொருட்கள் மற்றும் அத்தியாவசிய பொருட்கள் உள்ளிட்ட உதவி பொருட்களைப் இந்தியா வளர்ச்சி ஒத்துழைப்பு குழு ஆலோசகர் மைத்ரே குல்கரனி மற்றும் உதவி பாதுகாப்பு ஆலோசகர் லெப்டினன்ட் கேனல் மந்தீப் சிங் உள்ளிட்ட இந்திய விமானப்படை அதிகாரிகள் குழுவும் இலங்கை விமானப்படையின் தளபதி ஏயார் வைஸ் மார்சில் லஸிதா சுமனவிரா உள்ளிட்ட விமானப்படை குழு அதிகாரிகள் நிவாரண பொருட்களை பெற்றுக் கொண்டனர்.
மேலும், 600க்கும் மேற்பட்ட வீடுகள் சேதம் அடைந்துள்ளதோடு, 44,000-க்கும் மேற்பட்ட மக்கள் பாதிக்கப்பட்டு உள்ளதால், வெள்ளம் பாதித்த பகுதிகளில் மீட்புப் பணிகளுக்காக 20,500 ராணுவ வீரர்கள் களமிறக்கப்பட்டுள்ளனர். திருகோணமலைக்கு தெற்கே 40 கி.மீ தொலைவில் புயல் மையம் கொண்டுள்ளது. திரும்பும் திசை எங்கும் வெள்ளம் சூழப்பட்டுள்ளதால், 2 லட்சத்திற்கும் அதிகமான மக்கள் முகாம்களில் தங்க வைக்கப்பட்டுள்ளன. டிட்வா சூறாவளி தீவிரமடைவதால், இலங்கையில் மோசமான சூழ்நிலை ஏற்பட்டுள்ளது. நாடு முழுவதும் மழை வெள்ள பேரிடா்களில் சிக்கியுள்ள மக்கள் கடுமையான பாதிப்புகளையும், இழப்புகளையும் சந்தித்துள்ளனர். அரசு எச்சரிக்கையால் மக்கள் தங்கள் வீடுகளை விட்டு அவசர அவசரமாக வெளியேறி பாதுகாப்பான இடங்களிலும், முகாம்களிலும் தஞ்சம் புகுந்தனர்.
தலைநகர் கொழும்புவில் திரும்பும் திசை எங்கும் வெள்ளைக்காடாக காட்சியளிக்கிறது. வெல்லம்பிட்டி, கடுவேலா உள்ளிட்ட நகரங்களில் இடுப்பு அளவுக்கு தண்ணீர் தேங்கியுள்ளதால், மக்கள் மரங்கள் உச்சிகளிலும், வீட்டுக்கூரைகளில் ஏறியும் உயிர் தப்பி வருகின்றனா். அவர்களை ஹெலிகாப்டர் மூலம் மீட்பு குழுவினர் பத்திரமாக மீட்கும் பணியில் ஈடுபட்டு வருகின்றனர். இலங்கை முழுவதும் நேற்று ஒரே நாளில் 36 சென்டிமீட்டர் மழை கொட்டி தீர்த்தத்தால், அங்கு அனைத்து ஆறுகளிலும் வெள்ள பெருக்கு ஏற்பட்டுள்ளது. நாட்டின் மிகப்பெரிய பாலங்களின் ஒன்றான மாத்தளை மொரகஹகந்த லக்கல இடிந்து விழுந்துள்ளது. ஆட்டோ, பேருந்துகள் மற்றும் கார்கள் உள்ளிட்ட வாகனங்களும் வெள்ளத்தில் அடித்து செல்லப்பட்டுள்ளதாக தெரிவிக்கப்பட்டது.
இதனிடையே இரவில் இலங்கையின் மையப்பகுதி வழியாக டிட்வா புயல் கரையை கடந்து வருவதால் பலத்த மழை பெய்து வருகிறது. இதனால் பாதிப்புகள் மற்றும் உயிரிழப்பு மேலும் அதிகரிக்கும் என்றும் அஞ்சப்படுகிறது. இன்று பிற்பகலுக்கு பிறகு தான் முழுமையாக இலங்கையை விட்டு விலகும் என்றும் அதுவரை கனமழை நீடிக்கும் என்றும் அந்நாட்டு வானிலை மையம் ரெட் அலர்ட் விடுத்தது. இலங்கையில் பல்வேறு நகரங்கள் இருளில் மூழ்கியதோடு தொலைத்தொடர்பு சேவைகள் துண்டிக்கப்பட்டுள்ளன. பாதிக்கப்பட்ட மக்களுக்கு மருத்துவ உதவிகள் உடனுக்குடன் கிடைப்பதை உறுதிசெய்யும் வகையில் சுகாதார பணியாளர்கள் அனைவரும் பணிக்கு திரும்ப அரசு உத்தரவிட்டுள்ளது.
திருத்தணி: 15 வயது மாணவிக்கு பாலியல் சீண்டல்…கல்லூரி மாணவன் போக்சோவில் கைது