இந்திய ராணுவ பயன்பாட்டில் உள்ள ட்ரோன்கள் மற்றும் மின்னணு பாதுகாப்புத் தளவாடங்களில் இடம்பெற்றுள்ள சீனப் பாகங்களைக் கண்டறிந்து அகற்றுவதற்காக, ‘ஆஷ்வஸ்த்’ (AASHVAST) என்ற அதிநவீன சிறப்பு ஆய்வகத்தை இந்திய ராணுவம் தலைநகர் டெல்லியில் அமைத்துள்ளது.
நாட்டின் பாதுகாப்பு மற்றும் எல்லைப் பகுதிகளைக் கண்காணிக்கும் பணியில் ட்ரோன்கள் (Drones) உள்ளிட்ட பல்வேறு அதிநவீன மின்னணு சாதனங்கள் மிக முக்கியப் பங்காற்றி வருகின்றன. இருப்பினும், இந்தச் சாதனங்களில் பயன்படுத்தப்படும் சில சிறிய பாகங்கள் அல்லது மென்பொருட்கள் மறைமுகமாகச் சீனத் தொடர்பைக் கொண்டுள்ளதோ என்ற கவலை தேசிய பாதுகாப்பு வட்டாரத்தில் நீடித்து வருகிறது.
பாதுகாப்பு அச்சுறுத்தல்களுக்குச் செக்
வெளிநாட்டு அல்லது சீனத் தயாரிப்புப் பாகங்கள் மூலமாகச் உளவு பார்க்கப்படுதல், தரவுகள் திருடப்படுதல் மற்றும் மறைமுகச் சைப்ர் அச்சுறுத்தல்கள் (Cyber Threats) ஏற்படுவதைத் தடுக்கும் நோக்கில் இந்திய ராணுவம் இந்த அதிரடி நடவடிக்கையைக் கையில் எடுத்துள்ளது. இதற்காக டெல்லியில் தொடங்கப்பட்டுள்ள ‘ஆஷ்வஸ்த்’ சிறப்பு ஆய்வகத்தில், ராணுவத்தில் பயன்படுத்தப்படும் அனைத்து ட்ரோன்கள், தகவல் தொடர்புச் சாதனங்கள் மற்றும் மின்னணு கருவிகள் தீவிர ஆய்வுக்கு உட்படுத்தப்படும்.
உள்நாட்டுத் தொழில்நட்பத்திற்கு ஊக்கம்: இந்த ஆய்வகத்தின் மூலம்:
கருவிகளில் உள்ள சீனப் பாகங்கள் மற்றும் சாத்தியமான பாதுகாப்பு துளைகள் (Security Vulnerabilities) துல்லியமாகக் கண்டறியப்படும்.
கண்டறியப்படும் வெளிநாட்டுப் பாகங்கள் உடனடியாக நீக்கப்பட்டு, அதற்குப் பதிலாக முழுமையாக இந்தியாவில் தயாரிக்கப்பட்ட (Make in India) உள்நாட்டுப் பாகங்கள் பொருத்தப்படும்.
எதிர்காலத்தில் ராணுவ கொள்முதல்களில் சீன உதிரிபாகங்கள் நுழைவதைத் தடுக்கும் தரக்கட்டுப்பாட்டு மையமாகவும் இது செயல்படும்.
இந்திய ராணுவத் தளவாடங்களை முழுமையாகவும் பாதுகாப்பாகவும் “சுதேசி” மயமாக்கும் முயற்சியில், டெல்லியில் அமைக்கப்பட்டுள்ள இந்த ‘ஆஷ்வஸ்த்’ ஆய்வகம் ஒரு மைல்கல்லாகப் பார்க்கப்படுகிறது.
7 ஆண்டுகளுக்குப் பிறகு இந்தியா வரும் சீன அதிபர்: பிரதமர் மோடியுடன் முக்கிய இருதரப்பு பேச்சுவார்த்தை!