சாலை மோசமாக இருந்தால் சுங்கக் கட்டணம் கூடாது –  நிதின் கட்கரி

சாலையின் தரம் மோசமாக இருந்தால் சுங்கக் கட்டணம் வசூலிக்கக் கூடாது என நெடுஞ்சாலைகளை பராமரிக்கும் நிறுவனங்களுக்கு மத்திய அமைச்சர் நிதின் கட்கரி வலியுறுத்தியுள்ளார்.

செயற்கைக்கோள் அடிப்படையில் சுங்கக் கட்டணம் வசூலிப்பது தொடர்பான சர்வதேச பயிலரங்கு தில்லியில் நேற்று நடைபெற்றது. அதில் 3 ஆவது முறையாக நெடுஞ்சாலைத்துறை அமைச்சராக பொறுப்பேற்ற நிதின் கட்கரி, அதிகாரிகளுடன் ஆலோசனை மேற்கொண்டார்.

இது குறித்த உலகளாவிய பட்டறையில் அவர் பேசும் போது, இந்த நிதியாண்டில் 5,000 கிலோமீட்டர் தொலைவுக்கு செயற்கைக்கோள் உதவியுடன் வாகனங்களைக் கண்காணித்து சுங்கச் சாவடி கட்டணத்தை வசூலிக்கும் திட்டம் அமல்படுத்தப்படும் என்றார்.

மேலும் 2021 ஆம் ஆண்டில் நெடுஞ்சாலைகளில் சுங்கக் கட்டணம் செலுத்துவதற்கு அரசாங்கம் FASTagஐப் பயன்படுத்துவதை கட்டாயமாக்கியது. தற்போது 98% பரிவர்த்தனைகள் வாகனங்களில் பொருத்தப்பட்டிருக்கும் இந்த ஸ்மார்ட் குறிச்சொற்கள் மூலமாகவே நடைபெறுகின்றன.

இதற்கு முற்றுப்புள்ளி வைக்கும் முயற்சியில், இந்திய தேசிய நெடுஞ்சாலை ஆணையம் (NHAI) குளோபல் நேவிகேஷன் சாட்டிலைட் சிஸ்டம் (GNSS) அடிப்படையிலான கட்டண வசூலை விரிவுபடுத்தும் பணியில் ஈடுபட்டுள்ளது என்று அவர் தெரிவித்தார்.

தென்மேற்கு பருவமழை தீவிரம் அணையின் நீர் வரத்து அதிகரிப்பு (apcnewstamil.com)

அதில், குண்டும் குழியுமாக சாலைகளை வைத்துக்கொண்டு சுங்கக் கட்டணம் வசூலித்தால் மக்களின் கோபத்தை எதிர்கொள்ள நேரிடும் என்று அவர் அறிவுறுத்தினார்.