Homeசெய்திகள்இந்தியாபாஜக ஆட்சியை பிடிக்காது! மோடிக்கு கிடைத்த அதிர்ச்சி ரிப்போர்ட்!

பாஜக ஆட்சியை பிடிக்காது! மோடிக்கு கிடைத்த அதிர்ச்சி ரிப்போர்ட்!

-

- Advertisement -

நானும் துலாவிப்பார்த்தேன்; முதல்வர் வாயை திறக்கவே இல்லை - அண்ணாமலை தாக்கு

வருகிற நாடாளுமன்ற தேர்தலில் பாஜக ஆட்சியை பிடிக்காது என பிரதமர் மோடிக்கு ரகசிய ரிப்போர்ட் கிடைத்துள்ளதாகவும், இது பாஜகவினரை அதிர்ச்சி அடைய செய்துள்ளதாகவும் தகவல் வெளியாகியுள்ளது.

நாடாளுமன்றத் தேர்தலில் பாஜக 400 இடங்களை கைப்பற்றும் என்று பிரச்சாரம் செய்து வந்தனர். ஆனால் தேர்தல் தேதி நெருங்க நெருங்க வடமாநிலத்தில் இருந்து வரும் தகவல்கள், உளவுத்துறை ரிப்போர்ட் அனைத்தும் பிரதமர் மோடியை அதிர்ச்சி அடைய வைத்திருக்கிறது என்று டெல்லியில் உள்ள நமது சோர்ஸ் தெரிவித்துள்ளது. தமிழ்நாட்டில் அதிமுகவுடன் கூட்டணி அமைக்க படாத பாடுபட்டு இறுதியில் தோல்வியில் முடிந்தது. அதேபோன்று ஒரிசாவில் பிஜூ பட்நாயக் கட்சியுடன் கூட்டணி அமைக்க கடும் முயற்சி செய்தனர். அதுவும் தோல்வியில் முடிந்தது. இப்படி நாடு முழுவதும் சொல்லிக் கொள்ளும் அளவிற்கு பெரிய கட்சிகள் எதுவும் பாஜகவுடன் கூட்டணி அமைக்க முன்வரவில்லை. பாஜக இதுபோன்ற பின்னடைவை சந்திப்பதற்கு காரணம் என்ன? இந்தியாவில் உள்ள 28 மாநிலங்களில் உத்தரப்பிரதேசம், மத்திய பிரதேசம், ராஜஸ்தான், குஜராத், பீகார், மகாராஷ்டிரா , கோவா என்று விரல் விட்டு எண்ணக் கூடிய மாநிலங்களில் மட்டுமே பாஜக ஆட்சியில் இருக்கிறது.

ஏப்ரல் 29 ஆம் தேதி காசி தெலுங்கு சங்கமத்தில் பிரதமர் மோடி

நாட்டில் மொத்தம் 4139 சட்டமன்றத் தொகுதிகளில் பாஜக 1526 தொகுதிகளில் மட்டும் வெற்றி பெற்றுள்ளது. 66 சதவீதம் சட்டமன்ற தொகுதிகளில் பாஜக தோல்வி அடைந்துள்ளது. இந்த நிலையில் மகாராஷ்டிரா மாநிலத்தில் இப்பொழுது பாஜகவிற்கு எதிரான அலை வீசத் தொடங்கியுள்ளது. உத்தவ்தாக்கரே, சரத்பவார், ராகுல்காந்தி கூட்டணி வலுவாக இருக்கிறது. அரவிந்த் கெஜ்ரிவால் கைது செய்யப்பட்டதால் டெல்லி, பஞ்சாப், அரியானா ஆகிய மூன்று மாநிலங்களில் பாஜகவிற்கு எதிரான அலை வீசத்தொடங்கியுள்ளது. அயோத்தியில் ராமர் கோயில் திறந்தப் பின்னரும் உத்தரப்பிரதேசத்தில் பாஜகவிற்கு சாதகமான சூழல் இல்லை. அகிலேஷ் யாதவ் தலைமையில் உள்ள சமாஜ்வாடி பார்ட்டியும் காங்கிரஸ் கட்சியும் தாராள மனப்பான்மையுடன் விட்டு கொடுத்து கூட்டணி அமைத்துள்ளனர். அதனால் பாஜக மாயாவதியுடன் ரகசிய கூட்டணி அமைத்து பகுஜன் சமாஜ் கட்சியை தனியாக போட்டியிட வைத்து சிறுபான்மை வாக்குகளையும், தாழ்த்தப்பட்ட மக்களின் வாக்குகளையும் இண்டியா கூட்டணிக்கு செல்லாமல் தடுக்கும் முயற்சியில் பாஜக ஈடுபட்டுள்ளது. மத்திய பிரதேசம், ராஜஸ்தான் மாநிலத்தில் காங்கிரஸ் கடுமையான போட்டியை ஏற்படுத்தி வருகிறது.

 

பீகார் மாநிலத்தில் ராஷ்ட்ரிய ஜனதா கட்சி, காங்கிரஸ், கூட்டணி வெற்றி கூட்டணியாக மாறி வருகிறது. அந்த மாநிலத்தில் நிதிஷ்குமார் மீது மக்கள் நம்பிக்கையை இழந்து விட்டனர். குஜராத் மாநிலத்தில் பாஜக வேட்பாளர்கள் போட்டியில் இருந்தும் கட்சியில் இருந்தும் விலகி வெளியேறத் தொடங்கியுள்ளனர்.

அமலாக்கத்துறை வைத்து தமிழ்நாடு, மேற்குவங்கம், டெல்லி ஆகிய மாநிலங்களில் நடத்திய ரெய்டுகளினால் மக்கள் அதிர்ப்தி அடைந்துள்ளனர். அதுவும் டெல்லி முதல்வர் அரவிந்த் கெஜ்ரிவால், துணை முதல்வர் கைது நாடு முழுவதும் விவாதப் பொருளாக மாறியுள்ளது. இந்தி பேசும் மாநிலங்களில் உள்ள நடுநிலை வாக்காளர்கள் பாஜகவிற்கு எதிராக சிந்திக்க தொடங்கியுள்ளனர். மேற்குவங்கத்தில் மம்தா பானர்ஜி அமலாக்கத்துறைக்கு நன்றி தெரிவித்துள்ளார். அந்த அளவிற்கு அவருக்கு ஆதரவான அலை வீசத்தொடங்கியுள்ளது.

இப்படி நாடு முழுவதும் பாஜகவிற்கு கடும் நெருக்கடி ஏற்பட்டுள்ளதை பிரதமருக்கு உளவுத்துறை தகவல் கொடுத்துள்ளது. அதனால் அப்செட் ஆன பிரதமர் தேர்தலுக்கு பின்னர் வெற்றிப் பெறும் மாநிலக் கட்சியுடன் கூட்டணி அமைக்க இப்பொழுதே காய் நகர்த்த தொடங்கியுள்ளார்.

MUST READ