புதுக்கோட்டை மாவட்டம் திருமயத்தில் உள்ள அரசு ஆண்கள் மேல்நிலைப்பள்ளியின் நூற்றாண்டு விழா இன்று நடைபெற்றது. இந்த விழாவில் கலந்து கொண்டு பள்ளியில் அமைக்கப்பட்டுள்ள கலையரங்கத்தையும் சுற்றுப்புற சுவரையும் நூற்றாண்டு கல்வெட்டையும் திறந்து வைத்தார் தமிழ்நாடு சட்டத்துறை அமைச்சர் ரகுபதி . இதன் பின்னர் செய்தியாளர்களை சந்தித்து பேசியுள்ளாா்.
மேலும் செய்தியாளர்கள் சந்திப்பில் அவர் கூறியதாவது – திருப்பரங்குன்றம் விவகாரத்தில் சிலர் ஏதாவது கலவரத்தை தூண்ட முடியுமா என பார்த்துக் கொண்டிருக்கிறார்கள்.நிச்சயம் அது தமிழ்நாட்டில் நடைபெறாது. இந்துக்களும், முஸ்லிம்களும் சகோதரர்களாக வாழுகின்ற மாநிலம் தான் தமிழ்நாடு, எங்களைப் பொருத்தவரைக்கும் நிச்சயம் திருப்பரங்குன்றம் விவகாரத்தில் நல்ல முடிவு ஏற்படும், இதை பெரிய விவகாரமாக்கி அதில் லாபமடைய வேண்டும் என்று நினைக்கும் தீய சக்திகளை ஒடுக்குவோம்.
தமிழ்நாடு என்ற மாநிலம் இந்தியாவில் இருக்கிறதா? என்பதை ஒன்றிய அரசு மறந்து விட்டதா என்ற சந்தேகம் ஒன்றிய அரசின் நிதிநிலை அறிக்கையை பார்த்தால் தெரிய வருகிறது, அவர்களுக்கு வாக்களிக்க வில்லை என்பதற்காக தமிழ்நாட்டை அவர்கள் புறக்கணித்தாலும் ஒன்றிய அரசு திட்டத்தை தான் அவர்கள் புறக்கணிக்க முடியுமே தவிர மக்களுக்கான நல்ல திட்டங்கள் போவதை புறக்கணிக்க முடியாது
இசிஆர் விவகாரத்தில் வீண் பலி சுமத்திய எதிர்க்கட்சித் தலைவர் எடப்பாடி பழனிச்சாமி தான் வெட்கப்பட வேண்டும். ஈரோடு கிழக்குத் தொகுதி இடைத்தேர்தல் வெற்றி திமுகவிற்கு உறுதி செய்யப்பட்ட வெற்றி. அதேபோல் வரக்கூடிய பொது தேர்தலிலும் திமுக கூட்டணி தான் வெற்றி பெறும் அதில் எந்தவித சந்தேகமும் கிடையாது.
தமிழ்நாட்டில் எப்போதும் அண்ணன் தம்பிகளாக சகோதரர்களாக இருந்து வருகின்றோம். அந்த இடத்தில் சிலர் ஏதாவது கலவரத்தை தூண்ட முடியுமா என பார்த்துக் கொண்டிருக்கிறார்கள்.நிச்சயம் அது தமிழ்நாட்டில் நடைபெறாது. இந்துக்களும் முஸ்லிம்களும் சகோதரர்களாக வாழுகின்ற மாநிலம் தான் தமிழ்நாடு, எங்களைப் பொருத்தவரைக்கும் நிச்சயம் திருப்பரங்குன்றம் விவகாரத்தில் நல்ல முடிவு ஏற்படும், அனைவரும் அமைதியாக இருப்பார்கள் என நம்புகிறோம், அதற்கான முயற்சிகளை அரசு உரிய முறையில் எடுக்கும், இதை பெரிய விவகாரமாக்கி அதில் லாபம் அடைய வேண்டும் என்று நினைக்கும் தீய சக்திகளை ஒடுக்குவோம்.
ஆளுநர் உரை புறக்கணித்ததால் தமிழ்நாடு மக்கள் பாதிப்படையவில்லை ஆளுநர் உரையை வாசித்தாலும் வாசிக்காவிட்டாலும் மக்களுக்குள்ள அடிப்படை வசதிகளை இந்த அரசு செய்து தான் வருகிறது ஆளுநர் தான் அவரது கடமையை செய்ய தவறி விட்டார். நாங்கள் எங்கள் கடமையை செய்ய தவறவில்லை மக்களுக்கான பணிகளை அரசு என்ன செய்ய வேண்டுமோ அதை செய்து கொண்டிருக்கின்றோம்.
சட்ட மசோதாவை திருப்பி அனுப்பிய விவகாரம் அதேபோல துணைவேந்தர் நியமன விவகாரத்தில் உச்ச நீதிமன்றம் நல்ல தீர்ப்பை தரும் என்று எதிர்பார்க்கின்றோம். ஒவ்வொரு பல்கலைக்கழகத்திற்கும் ஆட்சி மன்ற குழுவை அமைத்துள்ளோம். அந்த நிர்வாகம் சிறப்பாக தான் செயல்பட்டு வருகிறது. எங்கெங்கெல்லாம் துணை வேந்தர்கள் இல்லையோ அங்கே எல்லாம் மூன்று பேர் கொண்ட குழு அமைக்கப்பட்டு அந்தக் குழு சிறப்பாக நிர்வாகத்தை தந்து கொண்டிருக்கிறது.
தமிழ்நாடு என்ற மாநிலம் இந்தியாவில் இருக்கிறதா? என்பதை ஒன்றிய அரசு மறந்து விட்டதா என்ற சந்தேகம் ஒன்றிய அரசின் நிதிநிலை அறிக்கையை பார்த்தால் தெரிய வருகிறது. அவர்களுக்கு வாக்களிக்க வில்லை என்பதற்காக தமிழ்நாட்டை அவர்கள் புறக்கணித்தாலும் ஒன்றிய அரசு திட்டத்தை தான் அவர்கள் புறக்கணிக்க முடியுமே தவிர மக்களுக்கான நல்ல திட்டங்கள் போவதை புறக்கணிக்க முடியாது. கலைஞரின் கனவு இல்லம் திட்டத்தில் கொடுக்கும் பணம் எங்களுடைய பணம் ஒன்றிய அரசின் பணம் அல்ல எங்களது திட்டத்திற்கான பண வசதியை உருவாக்கிக் கொண்டு மக்களின் தேவைகளை நிறைவேற்றுவோம்.
ஒன்றிய அரசு பொதுவாக தரும் நிதிகளை பயன்படுத்துவோம். கூடுதல் நிதி கூடுதலான அறிவிப்புகள் தமிழ்நாட்டிற்கு கிடைக்கவில்லை. இந்தியாவில் உள்ள மாநிலங்களிலேயே தமிழ்நாட்டை மிக மிக புறக்கணித்து ஒன்றிய அரசு வஞ்சிக்கிறது. இசிஆர் விவகாரத்தில் தெளிவான பதிலை நாங்கள் தந்து விட்டோம். ஊட்டிக்கு சுற்றுலா செல்வதற்காக அந்த காரில் சென்றவர்கள் திமுக கொடியை பயன்படுத்தியுள்ளனர் .அவர்களுடைய உறவினர்கள் எல்லாம் அதிமுகவினர் என்று அவரே ஒத்துக் கொண்டுள்ளார்.
அவருக்கோ அவரது குடும்பத்தினருக்கும் திமுகவுக்கும் ஒரு தொடர்பும் கிடையாது. எங்களோடு தொடர்பில்லாதவர்கள் எப்படி எங்களோடு முடிச்சு போட முடியும். அதனால் திமுகவுக்கும் அவர்களுக்கும் எந்த விதமான தொடர்பும் கிடையாது. வீண் பலி சுமத்திய எதிர்க்கட்சித் தலைவர் எடப்பாடி பழனிச்சாமி தான் வெட்கப்பட வேண்டும் என்று தெரிவித்துள்ளாா்.
மத்திய பட்ஜெட்டில் தமிழ்நாட்டிற்கு தொடரும் அநீதி… மோடி அரசை தோலுரிக்கும் திமுக!