நேபாளத்தில் ஏற்பட்ட திடீர் வெள்ளப்பெருக்கில் சிக்கியுள்ள தமிழர்களை பாதுகாப்பாக மீட்க தமிழக அரசு தீவிர நடவடிக்கை எடுத்து வருவதாக பள்ளிக்கல்வித் துறை அமைச்சர் ராஜ்மோகன் தெரிவித்துள்ளார்.
நேபாள வெள்ள நிலவரம் மற்றும் அங்கு சென்றுள்ள தமிழர்களின் பாதுகாப்பு குறித்து செய்தியாளர்களிடம் பேசிய அமைச்சர் ராஜ்மோகன் கூறியதாவது:
103 பேர் மீட்பு நடவடிக்கை; 34 பேர் நிலவரம் என்ன?
நேபாளத்தில் ஏற்பட்ட பெருவெள்ளத்தில் சிக்கிய தமிழர்களில் 103 பேரைக் கண்டறிந்து, அவர்களைப் பாதுகாப்பாக மீட்டெடுப்பதற்கான அனைத்து நடவடிக்கைகளையும் தமிழ்நாடு அரசு போர்க்கால அடிப்படையில் மேற்கொண்டு வருகிறது.
எனினும், வெள்ளப் பாதிப்பு அதிகம் உள்ள பகுதிகளில் இருக்கும் 34 தமிழர்கள் குறித்த எந்தத் தகவலும் இதுவரை கிடைக்கவில்லை. அவர்களைப் பற்றிய விவரங்களை சேகரிக்கும் பணிகள் தீவிரப்படுத்தப்பட்டுள்ளன.
நேபாள அதிகாரிகளுடன் இணைந்து தேடுதல் பணி
பாதிக்கப்பட்டவர்களைத் தேடும் பணி குறித்து விளக்கிய அமைச்சர், நேபாள காவல்துறை மற்றும் அந்நாட்டின் மீட்புப் படை அதிகாரிகளுடன் தமிழ்நாடு அரசு தொடர்ந்து நேரடி தொடர்பில் இருந்து வருகிறது என்றார். அனைத்துத் துறைகளுடனும் ஒருங்கிணைந்து தேடுதல் பணிகள் முழுவீச்சில் நடைபெற்று வருவதாகவும் அவர் குறிப்பிட்டார்.
937 தொலைபேசி அழைப்புகள்
மேலும், நேபாளத்தில் தங்கியுள்ள உறவினர்கள் மற்றும் பயணிகள் குறித்து தகவல்களைப் பெற தமிழக அரசு அமைத்துள்ள அவசரகால உதவி மையத்திற்கு இதுவரை 937 அழைப்புகள் வந்துள்ளன. இந்த அழைப்புகளின் அடிப்படையில் தகவல்கள் உடனடியாகச் சரிபார்க்கப்பட்டு, மீட்புக் குழுவினருக்கு மாற்றப்பட்டு வருகின்றன.
முதலமைச்சர் விஜய் தலைமையிலான அரசு, நேபாளத்தில் உள்ள ஒவ்வொரு தமிழரையும் பாதுகாப்பாகத் தமிழகத்திற்கு அழைத்து வர அனைத்து ராஜாங்க ரீதியிலான முயற்சிகளையும் எடுத்து வருவதாக அமைச்சர் உறுதி அளித்தார்.