தமிழக சட்டப்பேரவையில் இன்று கேள்வி நேரத்தின் போது, அமைச்சர் ராஜ்மோகன் பேசத் தொடங்கியதும், எதிர்க்கட்சியான அ.தி.மு.க மற்றும் தி.மு.க எம்.எல்.ஏ-க்கள் கட்சி எல்லைகளைக் கடந்து ஒரே குரலில் கடும் எதிர்ப்பு தெரிவித்து அமளியில் ஈடுபட்டதால் பேரவையில் பெரும் பரபரப்பு நிலவியது.
தமிழக வெற்றிக் கழகம் (தவெக) ஆட்சி அமைத்து, முதலமைச்சர் விஜய் தலைமையில் அரசு பொறுப்பேற்றதற்குப் பிறகு நடைபெறும் இந்த நிதியாண்டு கூட்டத்தொடர் ஆரம்பத்திலிருந்தே காரசாரமாக சென்று கொண்டிருக்கிறது. இந்நிலையில் இன்று அமைச்சரவை சார்பில் கொள்கை ரீதியிலான அறிவிப்புகளை வெளியிடுவதற்காக அமைச்சர் ராஜ்மோகன் எழுந்தபோது, தி.மு.க மற்றும் அ.தி.மு.க உறுப்பினர்கள் ஒட்டுமொத்தமாக எழுந்து நின்று உரத்தக் குரலில் கோஷங்களை எழுப்பினர்.
அமைச்சரின் உரையைத் தொடர விடாமல் இரு கட்சி எம்.எல்.ஏ-க்களும் முழக்கமிட்டதால் பேரவையில் கடும் கூச்சல் குழப்பம் ஏற்பட்டது. உறுப்பினர்களை அமைதி காக்குமாறு சபாநாயகர் பலமுறை அறிவுறுத்தியும், எதிர்ப்பின் வீரியம் குறையவில்லை. பாரபட்சமில்லாமல் இரு துருவக் கட்சிகளும் இணைந்து ஒரே நேரத்தில் எதிர்ப்புத் தெரிவித்தது ஆளுங்கட்சி வரிசையினரிடையே அதிர்ச்சியை ஏற்படுத்தியது.
ஒரு கட்டத்தில் கூச்சலும் குழப்பமும் எல்லை மீறவே, மிகுந்த டென்ஷனான சபாநாயகர் தனது ஆசனத்தில் இருந்து ஆவேசமாக எழுந்து நின்றார். அவையின் மரபுகளையும் விதிகளையும் சுட்டிக்காட்டி, “அமைதியாக அவரவர் இடங்களில் அமராவிட்டால் கடுமையான நடவடிக்கை எடுக்கப்படும்” என எச்சரிக்கை விடுத்தார்.
சபாநாயகரின் ஆவேசமான தலையீட்டைத் தொடர்ந்து பேரவையில் சற்று அமைதி திரும்பியது. இருப்பினும், தொடர்ந்து நிலவிய பதற்றமான சூழ்நிலை காரணமாக அவைக் நடவடிக்கைகள் தற்காலிகமாக ஒத்திவைக்கப்பட்டன. முதலமைச்சர் விஜய் தலைமையிலான தவெக ஆட்சியில், பிரதான கட்சிகள் இணைந்து பேரவையில் இதுபோன்ற எதிர்ப்பைப் பதிவு செய்தது அரசியல் வட்டாரத்தில் பெரும் விவாதப் பொருளாக மாறியுள்ளது.
நேபாளத்தில் சிக்கிய தமிழர்கள் நிலை என்ன? சட்டப்பேரவையில் உதயநிதி ஸ்டாலின் கேள்வி!