தமிழக வெற்றிக் கழகம் (தவெக) சார்பில் செப்டம்பர் 9-ஆம் தேதி நடைபெறவுள்ள கூட்டணிக் கட்சிகளின் ஆலோசனைக் கூட்டத்தில் இந்திய கம்யூனிஸ்ட் கட்சி (சிபிஐ) பங்கேற்காது என்று அக்கட்சியின் மாநிலச் செயலாளர் மு.வீரபாண்டியன் அதிகாரப்பூர்வமாக அறிவித்துள்ளார்.
ஆலோசனைக் கூட்டத்தைப் புறக்கணிப்பு
ஆளும் தவெக தலைவரும் முதலமைச்சருமான விஜய் தலைமையில், கூட்டணிக் கட்சிகளை முறைப்படுத்தி ஒருங்கிணைப்புக் குழு அமைப்பது தொடர்பாக ஆலோசனைக் கூட்டம் கூட்டப்பட்டுள்ளது.
இதற்கான அழைப்பு இந்திய கம்யூனிஸ்ட் கட்சிக்கு விடுக்கப்பட்டிருந்த நிலையில், அக்கட்சியின் மாநிலக் குழுக் கூட்டத்திற்குப் பிறகு இக்கூட்டத்தில் பங்கேற்பதில்லை என முடிவு செய்யப்பட்டுள்ளது.
மார்க்சிஸ்ட் வழியில் இந்திய கம்யூனிஸ்ட்முன்னதாக, தவெகவின் இந்த அழைப்பை மார்க்சிஸ்ட் கம்யூனிஸ்ட் கட்சி (சிபிஎம்) நிராகரித்திருந்த நிலையில், தற்போது இந்திய கம்யூனிஸ்ட் கட்சியும் கூட்டத்தில் பங்கேற்கப் போவதில்லை எனத் தெளிவுபடுத்தியுள்ளது.
வெளியிலிருந்து ஆதரவு தொடரும் இது குறித்து விளக்கமளித்த மாநிலச் செயலாளர் மு.வீரபாண்டியன், தவெக அரசுக்கு அளித்து வரும் ஆதரவு என்பது கொள்கை ரீதியிலாக வெளியிலிருந்து மட்டுமே தொடரும்.
கூட்டணிக் குழுவிலோ அல்லது ஆட்சி அமைப்பிலோ பங்குபெறாமல், மக்கள் நலன் சார்ந்த விஷயங்களில் வெளியில் இருந்து ஆதரவளிக்கும் நிலைப்பாட்டில் மாற்றம் இல்லை எனத் தெரிவித்துள்ளார்.