தனக்கு எதிராகத் தொடரப்பட்ட தேர்தல் வழக்கை நிராகரிக்கக் கோரும் மனுவைத் தாக்கல் செய்ய இரு வாரங்கள் அவகாசம் கோரிய முதல்வர் விஜய் தரப்பிற்கு, சென்னை உயர் நீதிமன்றம் இரண்டு நாட்கள் மட்டுமே அவகாசம் வழங்கி ஆகஸ்ட் 27-க்குள் பதில் மனு தாக்கல் செய்யாவிட்டால் ரூ.50,000 அபராதம் விதிக்கப்படும் என எச்சரித்துள்ளது.
தேர்தல் வழக்கு நிராகரிப்பு கோரிக்கை
சமீபத்தில் நடைபெற்ற தேர்தலில் வெற்றி பெற்றமைக்கு எதிராகத் தொடரப்பட்ட தேர்தல் வழக்கை எதிர்த்து மனுத்தாக்கல் செய்ய அவகாசம் கோரி முதல்வர் விஜய் மற்றும் அமைச்சர் ஆதவ் அர்ஜுனா ஆகியோர் சார்பில் சென்னை உயர் நீதிமன்றத்தில் முறையீடு செய்யப்பட்டது. விஜய் தரப்பில் வழக்கை நிராகரிக்கக் கோரும் மனுவைத் தயாரிக்க இரு வார காலம் அவகாசம் வேண்டும் எனக் கோரிக்கை முன்வைக்கப்பட்டது.
சென்னை உயர் நீதிமன்றம் கடுமை
இக்கோரிக்கையை விசாரித்த நீதிபதி, இரு வாரங்கள் அவகாசம் அளிக்க மறுத்து, இரண்டு நாட்கள் மட்டுமே (ஆகஸ்ட் 27 வரை) அவகாசம் வழங்கி உத்தரவிட்டார். மேலும், குறிப்பிடப்பட்ட கெடுவுக்குள் பதில் மனுவைத் தாக்கல் செய்யத் தவறினால் ரூ. 50,000 அபராதம் விதிக்கப்படும் என விஜய் தரப்பிற்கு அதிரடி எச்சரிக்கை விடுத்துள்ளார். இதேபோன்று தேர்தல் வழக்கை நிராகரிக்கக் கோரி மனுத் தாக்கல் செய்ய அவகாசம் கோரிய அமைச்சர் ஆதவ் அர்ஜுனா தரப்புக்கும் உயர் நீதிமன்றம் இதே போன்ற எச்சரிக்கையை விடுத்துள்ளது. இச்சம்பவம் தமிழக அரசியல் களத்தில் பெரும் பரபரப்பை ஏற்படுத்தியுள்ளது.
“அதிகாரியின் தாமதத்திற்கு மாணவியைப் பொறுப்பாக்க முடியாது!” — சென்னை உயர் நீதிமன்றம் அதிரடி உத்தரவு!