சென்னை புழல் சிறையில் அடைக்கப்பட்டுள்ள பள்ளிக்கல்வித்துறை முன்னாள் அமைச்சர் அன்பில் மகேஷ் பொய்யாமொழியை, எதிர்க்கட்சித் தலைவர் உதயநிதி ஸ்டாலின் இரண்டாவது முறையாக நேரில் சந்தித்துள்ளார்.
ஏற்கெனவே ஒருமுறை சந்தித்திருந்த உதயநிதி
ரூ.400 கோடி லஞ்சம் பெறப்பட்டதாகக் கூறப்படும் வழக்கில் கைது செய்யப்பட்ட அன்பில் மகேஷ் பொய்யாமொழி, சென்னை புழல் சிறையில் அடைக்கப்பட்டுள்ளார். அவர் சிறையில் அடைக்கப்பட்ட மறுநாளே உதயநிதி ஸ்டாலின் நேரில் சென்று சந்தித்திருந்தார்.
இரண்டாவது முறையாகச் சந்திப்பு
இந்நிலையில், தற்போது மீண்டும் புழல் சிறைக்குச் சென்ற உதயநிதி ஸ்டாலின், அன்பில் மகேஷை இரண்டாவது முறையாகச் சந்தித்துள்ளார். இந்தச் சந்திப்பின்போது இருவரும் என்ன பேசிக்கொண்டனர் என்பது குறித்த விவரங்கள் வெளியாகவில்லை.
அன்பில் மகேஷ் தொடர்பான வழக்கு விசாரணை நடைபெற்று வரும் சூழலில், உதயநிதி ஸ்டாலின் அவரை மீண்டும் சந்தித்திருப்பது அரசியல் வட்டாரத்தில் கவனம் பெற்றுள்ளது.
அன்பில் மகேஷ் கைது அரசியல் பழிவாங்கும் நடவடிக்கை! திமுக வழக்கறிஞர் சரவணன் குற்றச்சாட்டு