சீர்காழி அருகே டிட்வா புயல் காரணமாக 16 மீனவ கிராமங்களில் பலத்த கடல் சீற்றத்துடன் காணப்படுகிறது 10 ஆயிரம் விசை படகுகளை மீனவர்கள் பாதுகாப்பாக நிறுத்தி வைத்துள்ளனர். அப்பகுதி மீனவர்கள் கடலுக்கு செல்ல முடியாமல் வீடுகளில் முடங்கி உள்ளனர்.
தமிழகத்தில் காற்றழுத்த தாழ்வு நிலையின் காரணமாக டிட்வா புயல் உருவாகி பலத்த காற்றுடன் கனமழை மற்றும் கடல் சீற்றம் காணப்பட்டு வருகிறது மயிலாடுதுறை மாவட்டம் சீர்காழி அருகே பூம்புகார், வானகிரி, திருமுல்லைவாசல், பழையார், கூழையார், தொடுவாய் உள்ளிட்ட 16 க்கும் மேற்பட்ட மீனவ கிராமங்களில் சுமார் 10,000 மேற்பட்ட விசைப்படகுகளும், ஆயிரக்கணக்கான பைபர் படகுகளும் கரையோரங்களில் பாதுகாப்பாக மீனவர்கள் நிறுத்தி வைத்துள்ளனர்.
பலத்த கொந்தளிப்புடன் கடல் சீற்றம் காரணமாக அலைகள் சுமார் 10 அடி வரை உயர்ந்து காணப்பட்டு வருகிறது. மழையும் நேற்று இரவு முதல் தொடர்ந்து பெய்து வருகிறது, காற்று வீசி வருவதால் மழையும் விடாமல் பெய்து வருவதால் பொதுமக்கள் வீடுகளிலேயே முடங்கியுள்ளனர். குளிர்ந்த காற்றும் வீசி வருவதால் மக்களின் இயல்பு வாழ்க்கை பாதிப்படைந்துள்ளது. புயல் எப்பொழுது கரையை கடக்கும் என பொதுமக்கள் எதிர்பார்த்துக் கொண்டே இருக்கின்றனர். புகழ்பெற்ற பூம்புகார் சுற்றுலா தளம் வெறிச்சோடி காணப்படுகிறது.
தஞ்சை மாவட்டத்திற்கு கன மழை அலர்ட் விடுத்துள்ளதையடுத்து, தேசிய பேரிடர் அரக்கோணத்திலிருந்து மீட்புக்குழுவினர் 35 பேர் தஞ்சைக்கு வந்துவிட்டனர். மழை புயல் ஏதும் ஏற்பட்டு பாதிப்பு ஏற்பட்டால் எந்தவித பாதிப்பு ஏற்பட்டாலும் மீட்பதற்கு தயாராக உள்ளதாகவும். மாவட்ட ஆட்சியர் பாதிப்பு உள்ள இடத்தை தெரிவித்ததும் உடனடியாக புறப்பட தயாராக உள்ளனர். 24 கிராமங்களுக்கு செல்ல உள்ளதாக தெரிவித்தனர்.
டிட்வா புயல் காரணமாக வேதாரண்யம் பகுதியில் கனமழை பெய்து வருகிறது.தென்மேற்கு வங்கக் கடலில் ஏற்பட்டுள்ள டிட்வா புயல் காரணமாக வேதாரண்யம் பகுதியில் நேற்று இரவில் இருந்து கனமழை பெய்து வருகிறது. இந்த நிலையில் நேற்று காலை 8 மணி முதல் இன்று காலை 9 மணி வரை இடைவிடாது பெய்த மழை காரணமாக அதிகபட்சமாக கோடிக்கரையில் 25.சென்டிமீட்டர் மழையும், வேதாரண்யத்தில் 19 சென்டிமீட்டர் மழையும், தலைஞாயிறில் 11 சென்டிமீட்டர் மழையும் பதிவாகியுள்ளது.
வேதாரண்யத்தில் இருந்து செங்காத்தாலை செல்லும் சாலைகளில் முழங்கால் அளவுக்கு மழை நீர் ஓடுகிறது தாழ்வான பகுதிகளில் மழைநீர் தேங்கி நிற்கிறது. அதிகமான கனமழை காரணமாக வேதாரண்யம் பகுதியில் இயல்பு வாழ்க்கை பாதிக்கப்பட்டுள்ளது. வேதாரண்யம் பகுதியில் 50,000 ஏக்கரில் மானாவாரியில் பயிரிடப்பட்டுள்ள சம்பா நெற்பயிர்கள் மழை நீரால் மூழ்கி காணப்படுகிறது.
வேதாரண்யம் சுற்றுவட்டார பகுதிகளில் பொதுமக்களின் இயல்பு வாழ்க்கை பாதிக்கப்பட்டுள்ளது கடைகள்,வணிக நிறுவனங்கள் மூடி கிடக்கின்றன. பொதுமக்களின் நடமாட்டம் கடைத்தெருக்கள் வெறிச்சோடி காணப்படுகிறது.
மேலும் வேதாரண்யம் அடுத்த புஷ்பவனம், ஆறுகாட்டுத்துறை, வெள்ளப்பள்ளம், வானவன்மகாதேவி, கோடிக்கரை உள்ளிட்ட கிராமங்களில் உள்ள மீனவர்கள் கடந்த 24ஆம் தேதி முதல் கடலுக்கு செல்லாததால் மீனவர்கள் வாழ்வாதாரம் இன்றி தவித்து வருகின்றனர்.
இலங்கையில் டிட்வா புயலால் பலி எண்ணிக்கை 123 ஆக உயர்வு!! 130 பேர் காணவில்லை என அதிர்ச்சி தகவல்!!