சூர்யா 46 பூஜை புகைப்படங்கள் வெளியாகியுள்ளது.
நடிகர் சூர்யா தற்போது ஆர் ஜே பாலாஜி இயக்கத்தில் தனது 45 வது திரைப்படத்தில் நடித்து வருகிறார். இந்த படமானது இந்த ஆண்டு தீபாவளி தினத்தை முன்னிட்டு திரைக்கு வரும் என எதிர்பார்க்கப்படுகிறது. இதற்கிடையில் சூர்யா, வெற்றிமாறன் இயக்கத்தில் வாடிவாசல் திரைப்படத்தில் நடிப்பதற்கு ஒப்பந்தமாகியுள்ளார். அதே சமயம் இவர், வாத்தி, லக்கி பாஸ்கர் ஆகிய படங்களின் இயக்குனர் வெங்கி அட்லுரி இயக்கத்தில் தனது 46வது திரைப்படத்தில் நடிக்க உள்ளதாக ஏற்கனவே பல தகவல்கள் வெளியானது. அதன்படி சூர்யா 46 என்று தற்காலிகமாக தலைப்பு வைக்கப்பட்டுள்ள இந்த படத்தின் பூஜை இன்று (மே 19) சிறப்பாக நடந்து முடிந்துள்ளது. இது தொடர்பான புகைப்படங்களை இப்படத்தினை தயாரிக்கும் சித்தாரா என்டர்டெயின்மென்ட் நிறுவனம் தனது எக்ஸ் தள பக்கத்தில் பகிர்ந்துள்ளது. இந்த புகைப்படங்கள் இணையத்தில் வைரலாகி வருகிறது.
The most anticipated #Suriya46 has been officially launched with a grand pooja ceremony! 🔥@Suriya_offl x #VenkyAtluri unite to create magic on screen! 💥💥
Thank you #Trivikram garu for gracing and marking the beginning of this journey with the first clap 🎬
🎬 Shoot begins… pic.twitter.com/is7MhRkVAF
— Sithara Entertainments (@SitharaEnts) May 19, 2025
மேலும் இந்த பூஜையில் சூர்யா, வெங்கி அட்லுரி, ஜி.வி. பிரகாஷ், மமிதா பைஜு ஆகியோர் கலந்து கொண்டுள்ளனர். இதன் மூலம் படத்தில் சூர்யாவுடன் இணைந்து நடிகை மமிதா பைஜு முக்கிய கதாபாத்திரத்தில் நடிக்கிறார் என்பதும் ஜி.வி. பிரகாஷ் இந்த படத்திற்கு இசையமைக்கிறார் என்பதும் உறுதி செய்யப்பட்டுள்ளது. இனி வரும் நாட்களில் மற்ற அப்டேட்கள் வெளியாகும் என எதிர்பார்க்கப்படுகிறது.