தளபதி விஜய் நடிக்கும் வாரிசு திரைப்படம் வரும் பொங்கலுக்கு வெளியாக இருக்கிறது. அதனைத் தொடர்ந்து லோகேஷ் கனகராஜ் இயக்கும் தளபதி-67 படத்தில் விஜய் நடிக்க உள்ளார். அதற்கான பூஜை கடந்த 5-ம் தேதி சென்னையில் நடைபெற்றது.
இதற்கு முன்னதாக லோகேஷ் இயக்கத்தில் விஜய் நடிப்பில் மாஸ்டர் திரைப்படம் உருவாகி திரைக்கு வந்தது. இந்நிலையில் டிசம்பர் 11 ஆம் தேதி சென்னை அடையாறில் திருமண வரவேற்பு விழா ஒன்றில் தளபதி விஜய் கலந்து கொண்டார். அப்போது விஜய்யை எடுத்த வீடியோக்கள், இணையத்தில் தற்போது வைரல் ஆகி வருகின்றன.
மேலும் ‘மாஸ்டர்’ படத்தில் விஜய் கையில் போட்டு இருந்த ‘காப்பு’ பெரிதும் பேசப்பட்டது. படம் முடிந்து சிறிது காலம் அந்த காப்பு லோகேஷ் கனகராஜ் இடம் விஜய் கொடுத்திருந்தார்.
தற்போது வரை ‘வாரிசு’ படத்தில் காப்பு இல்லாமல் நடித்திருந்த விஜய், இன்று நடைபெற்ற திருமண வரவேற்பு விழாவில் காப்பு போட்டிருப்பதை சுட்டிக்காட்டி, ‘மாஸ்டர்’ பட கதாபாத்திரமான “JD is BACK” என்று ரசிகர்கள் டிரெண்ட் செய்து வருகின்றனர்.