ரஜினி – கமல் இணையும் புதிய படத்தின் கதை இதுதான்…. இவங்களும் நடிக்கிறாங்களா?

தமிழ் சினிமாவின் இரு பெரும் நடிப்பு ஜாம்பவான்களான ரஜினி மற்றும் கமல் ஆகிய இருவரும் இணைந்து ’16 வயதினிலே’, ‘இளமை ஊஞ்சலாடுகிறது’, ‘மூன்று முடிச்சு’ ஆகிய பல படங்களில் நடித்திருக்கின்றனர். தற்போது நீண்ட இடைவெளிகளுக்கு பிறகு இருவரும் இணைந்து புதிய படம் ஒன்றில் நடிக்கப் போவதாக ஏற்கனவே செய்திகள் வெளியானது. அதன்படி சமீபத்தில் கமல்ஹாசன் இதனை உறுதி செய்துள்ளார். மேலும் இவர்களது கூட்டணியிலான புதிய படத்தை லோகேஷ் கனகராஜ் இயக்கப் போவதாகவும் இந்த படமானது கேங்ஸ்டர் கதைக்களத்தில் உருவாகப் போவதாகவும் பல தகவல்கள் சமூக வலைதளங்களில் வெளியாகி எதிர்பார்ப்பை அதிகப்படுத்தி வருகிறது. இந்நிலையில் இந்த படம் குறித்த சில தகவல்கள் வெளியாகி உள்ளன. அதாவது ரஜினி – கமல் ஆகிய இருவரும் இந்த படத்தில் தாதாக்களாக நடிக்கின்றனராம். அதுமட்டுமில்லாமல் தொடக்கத்தில் நண்பர்களாக இருக்கும் இவர்கள் ஒரு கட்டத்தில் எதிரிகளாக மாறி சண்டை போட்டுக்கொள்கிறார்களாம். இருவரும் எப்படி எதிரிகளாக மாறுகின்றனர்? என்பதுதான் படத்தின் கதையாக இருக்கும் என சமீபத்திய தகவல்கள் தெரிவிக்கின்றன. அடுத்தது இந்த படத்தில் ரஜினியின் மகள்கள் ஐஸ்வர்யா – சௌந்தர்யா, கமல்ஹாசனின் மகள் ஸ்ருதி – அக்சரா ஆகியோரும் நடிப்பார்கள் என சொல்லப்படுகிறது. இது தவிர இந்த படம் பான் இந்திய படமாக உருவாகும் என்பதால் மற்ற மொழி நடிகர்களும் இந்த படத்தில் இணைவார்கள் என்று எதிர்பார்க்கப்படுகிறது.