இசையமைப்பாளர் ஏ.ஆர்.ரகுமான் இயக்கியுள்ள படத்தை பார்த்து, கட்டியணைத்து பாராட்டிய நடிகர் ரஜினிகாந்த்.
பாபா படத்தின் ரீ-மேக் பணிகளுக்காக ஏ.ஆர்.ரகுமானின் ஸ்டூடியோவிற்கு கடந்த சில நாட்களுக்கு முன்பு நடிகர் ரஜினிகாந்த் சென்றிருந்தார். அப்போது இசையமைப்பாளர் ஏ.ஆர்.ரகுமான் இயக்கிய ‘லே மஸ்க்’ திரைப்படத்தை கண்டு ரசித்துள்ளார்.
ஏ.ஆர்.ரகுமான் இசையமைப்பது மட்டுமின்று பன்முகத்திறமையாளராகவும் விளங்கி வருகிறார். இந்த ஆண்டு இவரது இசையமைப்பில் இரவின் நிழல், கோப்ரா, வெந்து தணிந்தது காடு, பொன்னியின் செல்வன் ஆகிய திரைப்படங்கள் ரிலீசாகின.
கடந்த 2019-ம் ஆண்டு வெளியான 99 சாங்ஸ் திரைப்படத்தின் மூலம் எழுத்தாளராகவும் ஏ.ஆர்.ரகுமான் அறிமுகமாகி இருந்தார். அப்படத்தை இவர் தயாரித்து நிலையில். இதையடுத்து இயக்குனராகவும் அவதாரம் எடுத்துள்ளார் இசைப்புயல்.
ஏ.ஆர்.ரகுமான் இயக்கிய முதல் திரைப்படம் ‘லே மஸ்க்’ (Le Musk) அண்மையில் நடந்த கேன்ஸ் திரைப்பட விழாவில் திரையிட்டு பாராட்டுக்களை பெற்றது. வெறும் 36 நிமிடங்கள் மட்டுமே ஓடக்கூடிய இப்படத்தை விர்சுவல் ரியாலிட்டி முறையில் அவர் உருவாக்கி உள்ளார்.
சமீபத்தில் பாபா பட ரீ-ரிலீஸ் பணிகளுக்காக ஏ.ஆர்.ரகுமானின் ஸ்டூடியோவிற்கு சென்ற ரஜினிகாந்துக்கு லே மஸ்க் திரைப்படத்தை போட்டுக் காட்டி உள்ளார் ஏ.ஆர்.ரகுமான். விர்சுவல் ரியாலிட்டி கிளாஸ் அணிந்து சேரில் அமர்ந்தபடி ரஜினி அந்த படத்தை பார்த்த போது, எடுத்த புகைப்படத்தை ஏ.ஆர்.ரகுமான் தனது சமூக வலைதள பக்கத்திலும் பகிர்ந்து இருந்தார்.
இந்நிலையில் “லே மஸ்க்” படத்தை நடிகர் ரஜினிகாந்த் பார்த்து ஏ.ஆர்.ரகுமானை கட்டியணைத்து பாராட்டியுள்ளார். இதனை வீடியோவாகவும் ஏ.ஆர் ரகுமான் தனது சமூக வலைதள பக்கத்தில் வெளியிட்டுள்ளார்.