வா வாத்தியார் பட இரண்டாவது பாடல் இணையத்தில் வைரலாகி வருகிறது.
கார்த்தி நடிப்பில் கடைசியாக ‘மெய்யழகன்’ திரைப்படம் வெளியானது. அதைத்தொடர்ந்து கார்த்தி, சர்தார் 2, மார்ஷல் ஆகிய படங்களில் கவனம் செலுத்தி வருகிறார். இதற்கிடையில் கார்த்தியின் 26வது படமாக உருவாகி வரும் திரைப்படம் தான் வா வாத்தியார். இந்த படத்தை நலன் குமாரசாமி இயக்க ஸ்டுடியோ கிரீன் நிறுவனம் படத்தை தயாரிக்கிறது. சந்தோஷ் நாராயணன் இதன் இசையமைப்பாளராகவும், ஜார்ஜ்.சி வில்லியம்ஸ் இதன் ஒளிப்பதிவாளராகவும் பணியாற்றுகின்றனர்.
இந்த படத்தில் கார்த்தியுடன் இணைந்து ராஜ்கிரண், சத்யராஜ், ஆனந்தராஜ், க்ரித்தி ஷெட்டி ஆகியோர் முக்கிய கதாபாத்திரங்களில் நடிக்கின்றனர். ஏற்கனவே இந்த படத்தின் படப்பிடிப்புகள் தொடங்கி ஏறத்தாழ இறுதி கட்டத்தை நெருங்கி இருக்கும் நிலையில் சில காட்சிகள் மட்டும் தற்போது படமாக்கப்பட்டு வருகிறது. இதற்கிடையில் இந்த படம் வருகின்ற டிசம்பர் 5ஆம் தேதி வெளியாகும் என அறிவிக்கப்பட்டது. ஆனால் இப்படத்தின் ரிலீஸ் தேதி ஒத்திவைக்கப்பட்டிருப்பதாகவும், விரைவில் புதிய ரிலீஸ் தேதி அறிவிக்கப்படும் எனவும் சொல்லப்படுகிறது.
அதே சமயம் இந்த படத்தில் இருந்து டீசரும், அடுத்தடுத்த பாடல்களும் வெளியாகி ரசிகர்களை கவர்ந்து வருகின்றன. அந்த வகையில் தற்போது படக்குழு ‘ஆலப்பிக்கே உம்மாக்’ எனும் இரண்டாவது பாடலை வெளியிட்டுள்ளது. வித்தியாசமான இந்த பாடல் ரசிகர்களின் கவனம் ஈர்த்து இணையத்தில் வைரலாகி வருகிறது.