திருமணமான புதுமண தம்பதிகள் ஒருவரை ஒருவர் புரிந்துக்கொள்வது எவ்வளவு முக்கியமானதோ, அதே போல் முக்கியமான ஒரு விஷயம் ஒன்று உள்ளது.அதுதான், பொருளாதார கட்டமைப்பு.
காரணம், பெரும்பாலான திருமண உறவுகளில் அதிக அளவு பிரிவு ஏற்படுவதற்கு இந்த பொருளாதார சிக்கல்கள் மட்டும் தான் காரணமாக அமைகின்றன. எதிர்பாராத நேரங்களில் ஏற்படும் மருத்துவ செலவு, விபத்துக்கள் ஆகியவற்றை பொருளாதார ரீதியாக நாம் எதிர்க்கொள்ள காப்பீட்டு திட்டங்கள் (Insurance Schemes) மிகவும் அவசியமானதாக உள்ளன. இந்நிலையில், புதியதாக திருமணமானவர்கள் எடுக்க வேண்டிய காப்பீட்டு திட்டங்கள் குறித்து விரிவாக பார்க்கலாம்.
ஆயுள் காப்பீடு திட்டத்தில் (Life Insurance Scheme) முதலீடு செய்வது பொருளாதார பாதுகாப்பு மட்டுமல்லாமல், ஒருவர் மீது ஒருவருக்கு உள்ள அக்கறையை வெளிப்படுத்த உதவும் செயலாகும். இந்த ஆயுள் காப்பீட்டு திட்டத்தின் மூலம் ஒருவருக்கு ஏதேனும் ஆபத்து ஏற்பட்டு உயிர் இழக்கும் அபாயம் ஏற்படும் பட்சத்தில், மற்றொருவர் எந்த ஒரு கடனும் இல்லாமல் தங்களது வாழ்க்கையை பொருளாதார பாதுகாப்புடன் வாழ இது வழிவகை செய்யும்.
மருத்துவ செலவுகள் உங்களது பொருளாதாரத்தை மிக சுலபமாக பாதித்துவிட வழிவகை செய்யும். நீங்கள் பல ஆண்டுகளாக சேமித்த பணம் மருத்துவ செலவு செய்வதால் முழுவதுமாக தீர்ந்துவிடக் கூடும். எனவே உங்களது மருத்துவ செலவுகள், உங்களின் பொருளாதாரத்தை பாதிக்க கூடாது என நீங்கள் நினைத்தால் மருத்துவ காப்பீடு (Medical Insurance) எடுப்பது உங்களுக்கு சிறந்த தேர்வாக இருக்கும். மருத்துவ காப்பீடு திட்டத்தில் முதலீடு செய்வது நீங்கள் உங்கள் மருத்துவ செலவுகளை ஈடு செய்வது மட்டுமன்றி, மருத்துவ செலவுகள் உங்கள் பொருளாதாரத்தை பாதிக்காத வகையில் பாதுகாப்பதும் ஆகும். எனவே திருமணமான புதுமண தம்பதிகள் தங்களது எதிர்காலம் பாதுகாப்பாக இருக்க வேண்டும் என்றால் இந்த காப்பீட்டு திட்டங்களில் முதலீடு செய்வது மிகவும் சிறந்ததாக இருக்கும் என்பது குறிப்பிடத்தக்கது.
இயற்கையிலேயே கர்ப்பப்பை நீர்க்கட்டிகளை சரி செய்யும் வழிமுறைகள்!