மறைந்த நடிகர் முரளி அவர்களின் பிறந்தநாளை முன்னிட்டு, அவரது மகனும் நடிகருமான அதர்வா முரளிக்கு ‘இதயம் முரளி’ படக்குழுவினர் சிறப்பு போஸ்டர்கள் மற்றும் திரைப்பின்னணி (BTS) காட்சிகளை வெளியிட்டு பிறந்தநாள் வாழ்த்து தெரிவித்துள்ளனர்.
நடிகர் அதர்வாவின் பிறந்தநாளை முன்னிட்டு வெளியிடப்பட்ட இந்த அறிவிப்பு, சமூக வலைத்தளங்களில் ரசிகர்கள் மத்தியில் பெரும் வரவேற்பைப் பெற்றுள்ளது. குறிப்பாக மறைந்த நடிகர் முரளியின் நினைவுகளை மீட்டெடுக்கும் வகையில் வெளியிடப்பட்ட போஸ்டர்கள் ரசிகர்களை நெகிழ்ச்சியடைய செய்துள்ளதாக கூறப்படுகிறது.
தமிழ் சினிமாவில் மிகப்பெரிய வரவேற்பைப் பெற்ற இதயம் திரைப்படத்தின் தலைப்பு தற்போது அதர்வா நடிக்கும் புதிய படத்திற்கு வைக்கப்பட்டிருப்பது ரசிகர்கள் மத்தியில் அதிக எதிர்பார்ப்பை ஏற்படுத்தியுள்ளது.
‘இதயம் முரளி’ என பெயரிடப்பட்டுள்ள இந்த திரைப்படத்தின் தலைப்பு வெளியீட்டு விழாவும், டீசரும் ஏற்கனவே இணையத்தில் கவனம் பெற்றிருந்த நிலையில், தற்போது வெளியிடப்பட்டுள்ள புதிய போஸ்டர்கள் மற்றும் BTS காட்சிகள் படத்தின் மீதான எதிர்பார்ப்பை மேலும் அதிகரித்துள்ளன. மறைந்த நடிகர் முரளியின் சினிமா பயணத்தையும், அவரது ரசிகர்கள் மனதில் உள்ள நினைவுகளையும் மீண்டும் உயிர்ப்பிக்கும் வகையில் இந்த திரைப்படம் அமையும் என ரசிகர்கள் கருத்து தெரிவித்து வருகின்றனர்.
“மனம் புண்பட்டிருந்தால் தாழ்மையான வருத்தம்” – ‘கருப்பு’ படக்குழு விளக்கம்