தமிழக முதலமைச்சராகப் பொறுப்பேற்றுள்ள ச.ஜோசப் விஜய் அவர்களை, முன்னணி தொழில் நிறுவனங்களின் உயர்மட்ட அதிகாரிகள் சென்னை தலைமைச் செயலகத்தில் நேரில் சந்தித்துப் பேச்சுவார்த்தை நடத்தினர். இச்சந்திப்புகள் மரியாதை நிமித்தமாக நடைபெற்றதாகத் தெரிவிக்கப்பட்டாலும், தமிழகத்தின் தொழில் முதலீடுகள் மற்றும் புதிய திட்டங்கள் குறித்து ஆலோசிக்கப்பட்டதாகத் தெரிகிறது.
முதலமைச்சருடன் செயின்ட்-கோபைன் அதிகாரிகள் சந்திப்பு
உலகப் புகழ்பெற்ற கட்டுமானப் பொருட்கள் தயாரிப்பு நிறுவனமான செயின்ட்-கோபைன் (Saint-Gobain) இந்தியா பிரைவேட் லிமிடெட் நிறுவனத்தின் உயர் அதிகாரிகள் இன்று தலைமைச் செயலகத்தில் முதலமைச்சர் விஜய் அவர்களை நேரில் சந்தித்தனர்.
புதிய அரசு பொறுப்பேற்றதற்குத் தங்களது வாழ்த்துகளைத் தெரிவித்த அதிகாரிகள், தமிழகத்தில் தங்களது தற்போதைய திட்டங்களின் செயல்பாடுகள் குறித்தும், எதிர்கால விரிவாக்கப் பணிகள் குறித்தும் முதலமைச்சரிடம் சுருக்கமாகக் கலந்துரையாடினர்.
மஹிந்திரா நிறுவன தலைவர் வேலுசாமி மரியாதை நிமித்த சந்திப்பு
இதனைத் தொடர்ந்து, இந்தியாவின் முன்னணி வாகனத் தயாரிப்பு நிறுவனமான மஹிந்திரா & மஹிந்திரா (Mahindra & Mahindra) நிறுவனத்தின் தலைவர் (தலைமைப் பொறியாளர் / வாகன மேம்பாட்டுப் பிரிவு) வேலுசாமி அவர்கள் முதலமைச்சர் விஜய் அவர்களை மரியாதை நிமித்தமாகச் சந்தித்துப் பேசினார்.
இந்தச் சந்திப்பின் போது முதலமைச்சருக்கு வாழ்த்துக் கூறிய அவர், வாகனத் உற்பத்தித் துறையில் தமிழகத்தின் பங்களிப்பு மற்றும் மஹிந்திரா நிறுவனத்தின் அடுத்தகட்ட புதிய தொழில்நுட்ப உத்திகள் குறித்துப் பகிர்ந்துகொண்டார்.
அண்மையில் நடைபெற்ற சட்டப்பேரவைத் தேர்தலில் வெற்றி பெற்று தமிழகத்தின் முதலமைச்சராகப் பொறுப்பேற்றுள்ள சி. ஜோசப் விஜய், தமிழகத்தை நோக்கி புதிய தொழில் முதலீடுகளை ஈர்ப்பதிலும், இளைஞர்களுக்கான வேலைவாய்ப்புகளை உருவாக்குவதிலும் தீவிர கவனம் செலுத்தி வருகிறார். அதன் ஒரு பகுதியாகவே இந்த அடுத்தடுத்த கார்ப்பரேட் சந்திப்புகள் பார்க்கப்படுகின்றன. இச்சந்திப்புகளின் போது அரசின் உயர் அதிகாரிகள் மற்றும் துறைச் செயலாளர்கள் உடனிருந்தனர். முதலமைச்சரைத் தொழில் அதிபர்கள் மற்றும் நிறுவனங்களின் தலைவர்கள் தொடர்ந்து சந்தித்து வருவது தமிழக தொழில் துறையினரிடையே பெரும் எதிர்பார்ப்பை ஏற்படுத்தியுள்ளது.
“குதிரை பேர அரசு எதற்கு?” – முதலமைச்சர் விஜயை கடுமையாக சாடிய டிடிவி தினகரன்!